އިސްލާމީ މަރުކަޒުގައި މާދަމާ ހުކުރުކުރައްވާނީ ފިރްޒުލް

މަސްޖިދުއް ސުލްޠާން މުޙައްމަދު ތަކުރުފާނުން އަޢުޒަމްގައި މާދަމާ ހުކުރު ކުރައްވާނީ ރައީސުލްޖުމްހޫރިއްޔާގެ އޮފީހުގެ އަންޑަރ ސެކްރެޓެރީ ފޮރ ޕަބްލިކް ޕޮލިސީ އަލްއުސްތާޛް މުޙައްމަދު ފިރްޒުލް ޢަބްދުﷲ ޚަލީލު ކަމަށް އިސްލާމީ ކަންތައްތަކާ ބެހޭ ވުޒާރާއިން ހާމަކުރައްވައިފިއެވެ.

ހުކުރު ޚުޠުބާގެ މައުޟޫއަކީ "އިންސާނާގެ ޙަޔާތުގައި ޞައްޙަ ޢަޤީދާގެ މުހިއްމުކަން" މިއެވެ.

08 ޑިސެންބަރު 2023ވާ ހުކުރުދުވަހު މަސްޖިދުއް ސުލްޠާން މުޙައްމަދު ތަކުރުފާނުން އަޢުޒަމްގައި ހުކުރު ކުރައްވާނީ އަލްއުސްތާޛް މުޙައްމަދު ފިރްޒުލް ޢަބްދުﷲ ޚަލީލު.
ޚުޠުބާގެ މައުޟޫއަކީ އިންސާނާގެ ޙަޔާތުގައި ޞައްޙަ
ޢަޤީދާގެ މުހިއްމުކަން. pic.twitter.com/nQFAaN3tnE

— Ministry of Islamic Affairs (@MVIaffairs) December 7, 2023

އިސްލާމީ ކަންތައްތަކާ ބެހޭ ވަޒީރު ޑރ.މުހައްމަދު ޝަހީމު އަލީ ސަޢީދު އެކްސްގައި ކުރެއްވި ޕޯސްޓެއްގައި ވިދާޅުވީ ޤައުމީ އިސްލާމީ ޚިދުމަތުގެ އިސް ސަފުން ޒުވާނުން ފެންނަންވާނެ ކަމަށެވެ.

އަލްއުސްތާޛު މުޙައްމަދު ފިރުޒުލްއަކީ މިޞްރުގެ އަލްއަޒްހަރު ޔުނިވަރސިޓީގެ ކުއްލިއްޔަތުއްޝަރީޢާ ވަލްޤާނޫނޫން ތަޢުލީމު ޙާޞިލްކުރައްވާފައިވާ ޤުރުއާން ހިތު ދަސް ޢިލްމުވެރި ޒުވާނެއް. ޤައުމީ އިސްލާމީ ޚިދުމަތުގެ އިސް ސަފުން ޒުވާނުން ފެންނަންވާނެ. https://t.co/3WxI3dhX0v

— Mohamed Shaheem Ali Saeed (@Mohamedshaheem1) December 7, 2023

އިސްލާމީ ކަންތައްތަކާ ބެހޭ ވަޒީރު ވިދާޅުވީ އަލްއުސްތާޛް މުހައްމަދު ފިރުޒުލްއަކީ މިޞްރުގެ އަލްއަޒްހަރު ޔުނިވަރސިޓީގެ ކުއްލިއްޔަތުއްޝަރީޢާ ވަލްޤާނޫނުން ތަޢުލީމު ޙާޞިލްކުރައްވާފައިވާ ބޭފުޅެއް ކަމަށެވެ. އަދި ފިރުޒުލްއަކީ ޤުރުއާން ހިތު ދަސް ޢިލްމުވެރި ޒުވާނެއް ކަމަށްވެސް ވަޒީރުވަނީ ވިދާޅުވެފައެވެ.

ފިރުޒުލްވަނީ ފިރުޒުލްވަނީ މިސަރުކާރުގެ އިންތިގާލީ މަރުހަލާގައި ސްޕޯކްސް ޕާސަންގެ ދައުރުވެސް އަދާ ކުރައްވާފައެވެ. އަދި ރިޔާސީ އިންތިޚާބުގައި މިހާރުގެ ރައީސް ޑރ.މުހައްމަދު މުއިއްޒުގެ ކެމްޕޭންގައި ވަރަށް އިސްދައުރެއް ފިރުޒުލް އަދާ ކުރައްވާފައެވެ. އެގޮތުން ކެމްޕޭންގެ ބޮޑެތި އިވެންޓުތައް ހުށަހެޅުއްވުމާއި، ކެމްޕޭންގެ އެހެނިހެން ކަންކަމުގައިވެސް ފިރުޒުލް ވަނީ އިސް ދައުރެއް އަދާ ކުރައްވާފައެވެ. އަދި ނޫސްވެރިކަމުގެ ދާއިރާގައިވެސް މަސައްކަތްކުރައްވާފައިވެއެވެ.