އިނގިރޭސި ޕްރިމިއާ ލީގުގައި އެންމެ ފަހުގެ ޗެމްޕިއަން މެންޗެސްޓާ ސިޓީ ބަލިކޮށް ތާވަލުގެ ތިންވަނައަށް އެސްޓަން ވިލާ ކުރިއަށް ޖެހިލައިފިއެވެ.
ވިލާގެ ދަނޑުގައި ކުޅުނު މި މެޗު އެ ޓީމުން ކާމިޔާބުކުރީ 1-0 އިންނެވެ. ދެ ޓީމުގެ ފަރާތުން ވާދަވެރި ކުޅުމެއް ފެނިގެންދިޔަ މި މެޗުގައި ގިނައިރު ސިޓީން ބޯޅަ ގެންގުޅުނުއިރު ގިނަ ހަމަލާ އުފައްދާފައިވަނީ ވިލާއިންނެވެ. މެޗުގައި ވިލާއިން މޮޅު ކުޅުމެއް ދެއްކި އިރު ވިލާއިން ފޮނުވާލި ގިނަހަމާތަކުގެ ހުރަހަކަށްވީ ސިޓީގެ ކީޕަރު އެޑެސަންއެވެ.
މެޗުގައި ވިލާއިން ފުރަތަމަ ހާފްގައި 13 ހަމަލާއެއް ސިޓީގެ ގޯލަށް ފޮނުވާލާފަވާއިރު މެޗުގައި 22 ހަމަލާއެއް ވިލާއިން ވަނީ ސިޓީގެ ގޯލަށް ފޮނުވާލާފައެވެ. މެޗުގެ ހަމައެކަނި ލަނޑު ވިލާއިން ކާމިޔާބުކުކޮށް ލީޑު ނަގާފައިވަނީ މެޗުގެ 74 ވަނަ މިނެޓުގައެވެ. މި ލަނޑު އެ ޓީމަށް ކާމިޔާބުކޮށްދިނީ ލިއޮން ބެއިލީއެވެ.
މި ނަތީޖާއާ އެކު ވިލާއިން މިހާރު ވަނީ 15 މެޗުން ލިބިފައިވާ 32 ޕޮއިންޓާ އެކު ސިޓީ ފަހަތަށް ޖައްސާލައި ތާވަލުގެ ތިންވަނައަށް ކުރިއަށް ޖެހިލައިފައެވެ. ސިޓީ މިހާރު އޮތީ 30 ޕޮއިންޓާ އެކު ތާވަލުގެ ހަތަރުވަނައަށް ވެއްޓިފައެވެ.