އިނގިރޭސި ޕްރިމިއާ ލީގުގައި ސްކޮޓް މެކްޓޮމިނޭ ކާމިޔާބުކުރި ދެ ލަނޑާއެކު މެންޗެސްޓާ ޔުނައިޓެޑުން ޗެލްސީ ބަލިކޮށްފިއެވެ.
ޔުނައިޓެޑުގެ ދަނޑުގައި ޗެލްސީއާ ދެކޮޅަށް ކުޅުނު މެޗުން މޮޅުވީ 2-1 އިންނެވެ. ޔުނައިޓެޑްގެ ދެ ލަނޑު ވެސް ޖެހީ ސްކޮޓް މެކްޓޮމިނޭ އެވެ. މިއީ މި ސީޒަންގައި އޭނާ ދެ ލަނޑު ޖެހި ދެވަނަ މެޗެވެ. ޔުނައިޓެޑަށް ޕެނަލްޓީއެއް ވެސް ލިބުނެވެ. ނަމަވެސް ބްރުނޯ ފެނާންޑޭޒް ފޮނުވާލި ބޯޅަ ޗެލްސީގެ ކީޕަރު ރޮބަޓް ސަންޗޭޒް ދިފާއު ކުރި އެވެ.
މެޗުގެ 19 ވަނަ މިނެޓްގައި އޭނާ ޔުނައިޓެޑަށް ލީޑް ނަގައި ދީފައިވަނިކޮށް، ފުރަތަމަ ހާފު ނިމުމުގެ ކުރިން ކޯލް ޕްލޭމާ ސިޓީއަަށް ނަތީޖާ ހަމަހަމަކޮށް ދިނެވެ. އަލުން ޔުނައިޓެޑަށް މެކްޓޮމިނޭ ލީޑް ނަގައިދިނީ 69 ވަނަ މިނެޓްގައެވެ. މެޗަށްފަހު ޓެން ހާގް ބުނީ، ޔުނައިޓެޑްގެ އެތެރޭގައި އޭނާ އަށް އިތުބާރު އެބައޮތް ކަމަށެވެ. ޓީމުން ކުރިއެރުން ހޯދަނީ އެކުގައި މަސައްކަތްކޮށްގެން ކަމަށެވެ.
ރޭގެ ނަތީޖާތަކާއެކު ލީގުގެ އެއް ވަނައިގައި އާސެނަލް އޮތީ 15 މެޗުން 36 ޕޮއިންޓް ހޯދައިގެންނެވެ. ދެ ވަނައިގައި އޮތް ލިވަޕޫލަށް ވަނީ 15 މެޗުން 34 ޕޮއިންޓް ހޯދައިފަ އެވެ. އެސްޓަން ވިލާ ތިން ވަނައިގައި އޮތީ 15 މެޗުން 32 ޕޮއިންޓާ އެކު އެވެ.
އެންމެ ފަހުން ލީގުގައި ކުޅުނު ހަތަރު މެޗުންވެސް ސިޓީ އަށް މޮޅެއް ލިބިފައިނުވާއިރު، އެ ޓީމު ލީގުގެ ހަތަރެއްގައި އޮތީ 15 މެޗުން 30 ޕޮއިންޓް ހޯދައިގެންނެެވެ. ފަސް ވަނައިގައި އޮތް ޓޮޓެންހަމް ހޮޓްސްޕާސް އަށް ވަނީ 14 މެޗުން 27 ޕޮއިންޓް ލިބިފަ އެވެ. ޔުނައިޓެޑް ހަ ވަނައިގައި އޮތީ 15 މެޗުން 27 ޕޮއިންޓް ހަމަކޮށްގެންނެވެ. ޗެލްސީ އޮތީ ލީގުގެ 10 ވަނައިގައެވެ.