ބޮޓްސްވާނާ އިންޓަނޭޝަނަލް 2023 ބެޑްމިންޓަން މުބާރާތުގައި ރާއްޖެއިން ދެ ލޯ މެޑެއްޔާއި ރިހި މެޑެއްޔެއް ހޯދައިފިއެވެ.
މުބާރާތުގައި ރާއްޖެއިން ރިހި މެޑަލް ހޯދާފައިވަނީ އަންހެން ޑަބަލްސް އިވެންޓުންނެވެ. އެއީ އައިމިނަތު ނަބީހާ (ނަބީ) އާއި ފާތިމަތު ނަބާހާ (ނަބާ)ގެ ޕެއާ އެވެ.
ދެން މި މުބާރާތުގައި ރާއްޖެއިން ދެ ލޯ މެޑަލް ހޯދީ ފިރިހެން ޑަބަލްސް ދެ ޕެއާ ނިބާލް އަހުމަދާއި މުހައްމަދު އަޖުފާންގެ ޕެއާ އަދި ޒަޔާން ޒަކީ އަދި ނަޝްފާން މުހައްމަދުގެ ޕެއާ އެވެ.
އިންޑިއަން އޯޝަން އައިލެންޑް ގޭމްސް (އައިއޯއަައިޖީ)ގެ އަންހެން ޑަބަލްސް އިން ރަން މެޑަލް ހޯދި ނަބާހާ އާއި ނަބީހާއަށް މި މުބާރާތުން ރިހި ލިބުނީ ފައިނަލް މެޗުގައި އެއްވަނައަށް ސީޑުކޮށްފައިވާ ދެކުނު އެފްރިކާގެ އެމީ އެކަމަން އާއި ޑެއިޑްރޭ ލޯރެންސްގެ ޕެއާއަތުން ބަލިވުމުންނެވެ. ފުރަތަމަ ސެޓު، 21-13 އިން ގެންދިޔަ އެވެ. ނަބާ އާއި ނަބީ ދެ ވަނަ ސެޓު، 20-22 އިން ގެންގޮސް އެއްވަރުކުރި އެވެ. ފަހު ސެޓުގައި އެމީ އާއި ޑެއިޑްރޭ ވަނީ 21-18 އިން މެޗު ކާމިޔާބުކޮށްފައެވެ.
ފިރިހެން ޑަބަލްސް އިން ރާއްޖެ އަށް މެޑަލް ހޯދައިދިން ދެ ޕެއާ ވެސް ވަނީ ސެމީ ފައިނަލުގައި ކުޅެގެން ބަލިވެފަ އެވެ. އެ ގޮތުން، ނިބާލް އާއި އަޖުފާންގެ ޕެއާ ބަލިވީ ޗެމްޕިއަންކަން ހޯދި މެލޭޝިއާގެ ޕެއާ، ޗޮކް ކެން ވެއި އާއި އެންޑީ ޔޫގެ ޕެއާ އަތުންނެވެ. ޒަޔާން އާއި ނަޝްފާންގެ ޕެއާ ސެމީގައި ބަލިވީ، ދެ ވަނަ އަށް ސީޑްކޮށްފައިވާ މޮރިޝަސްގެ ލޫކަސް ޑޫސް އާއި ކެމްޓީޝް ރާއިގެ ޕެއާ އަތުންނެވެ.