ދިވެހިރާއްޖޭގެ ނެޓްބޯޅަ ފަނޑުވެގެން ދިޔަނުދީ ހިފެހެއްޓުމަކީ އެންމެ ބޮޑު އަމާޒުކަމަށް ފިއޮންތި ސްޕޯޓްސް ކުލަބުގެ ރައީސް އައިޝަތު ނާޒިމާ ވިދާޅުވެއްޖެއެވެ.
ކުރީގެ މައްޝޫރު ނެޓްބޯޅަ ކުޅުންތެރިޔާ ނާޒިމާ އަންނީ މިމަހުގެ 30 ވަނަ ދުވަހު މާލޭގައި ނެޓްބޯޅަ ފެސްޓިވަލެއް ބޭއްވުމަށް ތައްޔާރުވަމުންނެވެ. އޭނާގެ ކުލަބް ފިއޮންތި ސްޕޯޓްސް ކުލަބުން އިންތިޒާމް ކޮއްގެން ކުރިޔަށްގެންދާ މުބާރާތާ ގުޅޭގޮތުން ނާޒިމާ ވިދާޅުވީ ކުޅިވަރުތަކުން މިކަހަލަ ފެސްޓިވަލުތަކަށް އަމާޒު ހިފަންޖެހޭ ކަމަށާއި ކުޅިވަރުގައި ކުއްޖާގެ ފެށުމަކީ އަދި ބިންގަލަކީ ޖޫނިއަރ ލެވެލްގައި ބޭއްވޭ މިފަދަ ހަރަކާތްތައް ކަމަށެވެ.
މި ކަހަލަ ފެސްޓިވަލުތަކުން ހުނަރު ހުންނަ ކުދިން ފާހަގަކުރެވޭނެ ކަމަށާއި ޖޫނިއާ ކުޅުންތެރިންނަށް ލިބޭ ފުރުސަތާއެކު ފެސްޓިވަލަށް ފަހު އެކަޑަމީތަކާއެކު މަސައްކަތްކުރުމުން ހުނަރު އިތުރަށް ތަރައްގީވުމުގައި އެހީތެރިވެދޭނެކަމަށެވެ. މި ގޮތަށް ފެސްޓިވަލްތަށް ބައްޓަން ކުރެވިއްޖެ ނަމަ ކުޅިވަރުގެ މުސްތަގުބަލު މާ އުޖާލާކޮއް ފެންނާނެކަމަށް ނާޒިމާ ވިދާލުވިއެވެ. ނާޒިމާ ވިދާޅުވީ ކުޅުންތެރިޔެއްގެ ގޮތުގައި އޭނާ ކުޅިވަރުގައި ހަރަކާތްތެރިވިއިރު ތަމްރީންވާން މާގިނަ ފުރުސަތުތަކެއް ނުލިބޭ ކަމަށާއި އެހެން ނަމަވެސް ކޮންމެ ކުޅިވަރަކަށް މިއަދު ތަމްރީން ހޯދުމުގެ ފުރުސަތު އެބޮތްކަމަށެވެ.
ނާޒިމާ ވިދާޅުވީ މިފަދަ ފެސްޓިވަލުތަކުން ފާހަގާކުރޭ ހުނަރަތަށް އިތުރު ހަރުފަތަކަށް ގެންދިޔުމުގައި އެސޯސިއޭޝަންތަކުން މަސައްކަތް ކުރަންޖެހޭ ކަމަށެވެ. ނާޒިމާ ވިދާޅުވީ ކުލަބު އަމާޒަކީ ފްރެޝް ކުޅުންތެރިން ތަކެއް ކޮންމެ އަހަރުކުވެސް އިންޓަރ ސުކޫލަށް ނެރެދިނުން ކަމަށެވެ. ނާޒިމާ ވިދާޅުވީ ކުލަބުން މަސައްކަތް ކުރަނީ ކޮންމެ އަހަރުކުވެސް އެކުލަބު ދޭއް ނޫނީ ތިން ކުޅުންތެރިން ގައުމީ ޓީމުގައި ހިމިނުންކަމަށެވެ.
"މިހާތަނަށް ވެސް އަޅުގަނޑުމެން ތެރެއިން ވަރަށް ބައިވަރު ކުޅުންތެރިން ފެނިފަ ހުންނާނީ، ދުރާލާ އިންޓަ ސުކޫލުގައި ވާދަކުރާނެ ޓީމުތަކެއް ތައްޔާރުކޮށްދިން، އެއީ އަސްލު އަޅުގަނޑުމެންގެ ޓާގެޓްއައިޝަތު ނާޒިމާ - ފިއޮންތި ސްޕޯޓްސް ކުލަބުގެ ރައީސް
ފިއޮންތި ކުލަބުން އަންނަނީ ބޭރުގެ ތަމްރީން ލިބިގެންތިބި ކޯޗުންނާ އެކު މަސައްކަތް ކުރަމުންނެވެ. ނާޒިމާ ވިދާޅުވީ އަމާޒަކީ މި ފެސްޓިވަލު ހުއްޓާނުލާ ކުރިއަށްގެންދިއުން ކަމަށެވެ. އަންނަ މަހުގެ ދެވަނަ ދުވަހުގެ ނިޔަލަށް ކުރިއަށްދާ މުބާރާތާގުއި 14 ސުކޫލުގެ ތެރެއިން ކޮންމެ ސުކޫލަކުން 5 ޓީމު ވަނީ ބައިވެރިވެފައެވެ.