ވީއޭއެމް ޕްރެޒިޑެންޓްސް ކަޕްގެ ދެކުނު ބައިގައި މިސްކިތްމަގު އެންމެންގެ ގުޅުން، އެޓީމް ކުޅުނު ދެވަނަ މެޗް ކާމިޔާބުކޮށްފިއެވެ. ފުވައްމުލަކުގައި ކުރިއަށްދާ މިމުބާރާތުގައި މިސްކިތްމަގު އެންމެންގެ ގުޅުން އެޓީމް ކުޅުނު ދެވަނަ މެޗް ކާމިޔާބުކުރީ ދަޑިމަގު ޒުވާނުންގެ ޖަމްޢިއްޔާއާ ވާދަކޮށް 3 ސެޓް 1 ސެޓުންނެވެ.
މިމެޗްގެ ސެޓްތައް މިސްކިތްމަގު އެންމެންގެ ގުޅުން ގެންދިޔައީ 25-19، 18-25، 25-11 އަދި 25-15 ނެވެ. މިމެޗްގެ މޮޅު ކުޅުންތެރިއަކީ މިސްކިތްމަގު އެންމެންގެ ގުޅުމުގެ ޢާއިޝަތު މާޖިދާއެވެ. މިމުބާރާތުގައި މިއަދު ހަވީރު ކުޅުމަށް ހަމަޖެހިފައިވާ މެޗްގައި ބައްދަލުކުރާނީ ފުވައްމުލަކު ޔޫތް ސްޕޯޓްސް ކުލަބާއި، މިސްކިތްމަގު އެންމެންގެ ގުޅުމެވެ. އަދި މިރޭ ކުޅުމަށް ހަމަޖެހިފައިވާ މެޗްގައި ބައްދަލުކުރާނީ ވެށިނަލަ ޖަމްޢިއްޔާއާއި ދަޑިމަގު ޒުވާނުންގެ ޖަމްޢިއްޔާއެވެ.