އައިސީސީ ކްރިކެޓް ވޯލްޑް ކަޕް ހުޅުވަން ކުޅުނު މެޗުގައި އެންމެ ފަހުގެ ޗެމްޕިއަން އިންގްލަންޑް ބަލިކޮށް، ރަނަރަޕް ނިއު ޒީލަންޑުން ފެށުން ރަނގަޅުކޮށްފިއެވެ.
އިންޑިއާގައި އިއްޔެ ފެށި މި މުބާރާތުގެ ފުރަތަމަ މެޗުގައި އެންމެ ފުރަތަމަ ބެޓް ކުރަން ނުކުތީ ވެސް އިންގްލޭންޑެވެ. 50 އޯވަރުގެ ތެރޭގައި ހުރިހާ ކުޅުންތެރިން ނުބައިވެގެން އެމީހުންނަށް ހެދުނީ 282 ލަނޑެވެ. އިންގްލެންޑަށް އެންމެ ރަނގަޅަށް ކުޅުނީ 77 ލަނޑު ހެދި ޖޯއީ ރޫޓްސްއެވެ. ދެން އެޓީމުން އެންމެ ގިނަ ލަނޑު ހެދީ 43 ލަނޑު ހެދި ޖޯސް ބުޓްލާއެވެ.
ޖަވާބުގައި ކުޅެން އަރާ ނިއުޒީލޭންޑް މޮޅުވީ 36 އޯވަރުގެ ތެރޭގައި 283 ލަނޑު ހަދައިގެންނެވެ. މި މެޗުގައި ނިއުޒިލޭންޑްގެ ދެ ކުޅުންތެރިޔަކު ވަނީ ސެންޗަރީއެއް ފުރިހަމަ ކޮއްފައެވެ. މި އިންންގްސްގައި ޑެވޮން ކޮންވޭ ވަނީ ނިއުޒިލޭންޑްއަށް 152 ލަނޑު ހަދާދީފައެވެ. ދެން އެންމެ ގިނަލަނޑު ހެދީ ރޮޗިން ރަވިންދްރާ އެވެ. އޭނާ ވަނީ 123 ލަނޑު ހަދާފައެވެ.
ދިހަ ގައުމު ލީގު އުސޫލުން ކުޅެ މުބާރާތުގެ ސެމީ ފައިނަލަށްދާނީ އެންމެ ގިނަ ޕޮއިންޓް ހޯދާ ހަތަރު ގައުމެވެ.