ޗައިނާގެ ހަންގްޖޯގައި ކުރިއަށްދާ 19 ވަނަ އޭޝިއަން ގޭމްސްގެ ޓޭބަލް ޓެނިސް ޓީމު އިވެންޓުގައި ރާއްޖޭގެ އަންހެން އަދި ފިރިހެން ޓީމުން ކުޅުނު ދެވަނަ މެޗުތަކުންވެސް ބަލިވެ، މުބާރާތުން ކަޓައިފިއެވެ.
ޓީޓީގެ ޓީމު އިވެންޓުގެ ފުރަތަމަ މެޗުތަކުން އަންހެން އަދި ފިރިހެން ޓީމު ވަނީ އިއްޔެ ޗައިނީސް ޓައިޕޭ އަތުން ބަލިވެފައެވެ. އަދި މިއަދު ކުޅުނު ދެވަނަ މެޗުން އަންހެން ޓީމު ބަލިވީ އުތުރު ކޮރެއާ އަތުން ސީދާ ތިން ގޭމުންނެވެ.
މި މެޗުގެ ފުރަތަމަ ގޭމުގައި ރާއްޖޭގެ އައިޝަތު ރަފާ ނާޒިމް ކުޅެން އެރިއިރު، މި ގޭމުން ރަފާ ބަލިވީ ސީދާ ތިން ސެޓުންނެވެ. މި ގޭމުގެ ސެޓުތައް ދިޔައީ 11-5، 13-11 އަދި 11-6 އިންނެވެ. އަދި ދެވަނަ ގޭމުން ރާއްޖޭގެ ލައިސާ ފަތުހުﷲ އިސްމާޢީލުވެސް ބަލިވީ ސީދާ ތިން ސެޓުންނެވެ. މި ގޭމުގެ ސެޓުތައް ދިޔައީ 11-1، 11-2 އަދި 11-3 އިންނެވެ. ތިންވަނަ ގޭމުގައި ރާއްޖޭގެ ފާތިމަތު ޖުމާނާ ނިމާލް ވާދަކުރިއިރު، ޖުމާނާވެސް ބަލިވެފައިވަނީ ސީދާ ދެ ސެޓުންނެވެ. މި ގޭމުގެ ސެޓުތައް ދިޔައީ 11-5، 11-8 އަދި 11-2 އިންނެވެ.
މީގެ އިތުރުން ފިރިހެން ޓީމުން މިއަދު ކުޅުނު މެޗުން ބަލިވީ ކަޒަކްސްތާން އަތުން ސީދާ ތިން ގޭމުންނެވެ.
މި މެޗުގެ ފުރަތަމަ ގޭމުގައި ރާއްޖޭގެ އަޚްޔަރު އަޙްމަދު ޚާލިދު ކުޅެން އެރިއިރު، މި ގޭމުން އަޚްޔަރު ބަލިވީ ސީދާ ތިން ސެޓުންނެވެ. މި ގޭމުގެ ސެޓުތައް ދިޔައީ 11-3، 11-2 އަދި 11-5 އިންނެވެ. އަދި ދެވަނަ ގޭމުން ރާއްޖޭގެ މުޙައްމަދު ޝައްފާން އިސްމާޢީލުވެސް ބަލިވީ ސީދާ ތިން ސެޓުންނެވެ. މި ގޭމުގެ ސެޓުތައް ދިޔައީ 11-8، 11-6 އަދި 11-8 އިންނެވެ. ތިންވަނަ ގޭމުގައި ރާއްޖޭގެ މޫސާ މުންސިފް އަޙްމަދު ވާދަކުރިއިރު، މުންސިފުވެސް ބަލިވެފައިވަނީ ސީދާ ދެ ސެޓުންނެވެ. މި ގޭމުގެ ސެޓުތައް ދިޔައީ 11-5، 11-9 އަދި 11-7 އިންނެވެ.
ޗައިނާގެ ހަންގްޖޯގައި އޭޝިއަން ގޭމްސް ފެށިގެން ކުރިއަށްދާއިރު، މި ގޭމްސް ކުރިއަށްދާނީ އަންނަ އޮކްޓޯބަރު މަހުގެ އަށްވަނަ ދުވަހުގެ ނިޔަލަށެވެ. މި ފަހަރުގެ ގޭމްސްގައި ރާއްޖެއިން ނުވަ ކުޅިވަރެއްގައި ވާދަކުރާނެއެވެ.