2 ވަނަ ބުރުގައި ޖޭޕީން އެއްވެސް ކެންޑިޑޭޓަކަށް ތާއީދުނުކުރަން ނިންމައިފި

ރިޔާސީ އިންތިޚާބުގެ ދެވަނަ ބުރުގައި އެއްވެސް ކެންޑިޑޭޓަކަށް ތާއީދު ނުކުރަން ޖުމްހޫރީ ޕާޓީން ނިންމައިފިއެވެ.

ޖުމްހޫރީ ޕާޓީން ވަކިކޮޅަކަށް ނާރަން ނިންމީ މިއަދު ބޭއްވި އެޕާޓީގެ ކައުންސިލް ބައްދަލުވުމުގައެވެ.

ވަކި ކޮޅަކަށް ނޭރުމަށް ޖޭޕީން ނިންމިއިރު ރިޔާސީ އިންތިޚާބުގެ ދެވަނަ ބުރުގައި ވާދަކުރައްވާ 2 ކެންޑިޑޭޓުންގެ ފަރާތުން ވަނީ ކޯލިޝަން ހެދުމާ ގުޅޭގޮތުން ޖޭޕީއާ އެކު މަޝްވަރާކުރައްވާފައެވެ. އެގޮތުން ޕީއެންސީގެ ރިޔާސީ ކެންޑިޑޭޓް ޑރ.މުޙައްމަދު މުއިއްޒުގެ ރަނިންމޭޓް ހުސައިން މުޙައްމަދު ލަޠީފް ވަނީ މިމަހުގެ 12 ވަނަ ދުވަހު ސަން އައިލެންޑަށް ވަޑައިގެން ޖޭޕީގެ ލީޑަރު ގާސިމް އިބްރާހިމާއެކު މަޝްވަރާ ކުރައްވާފައެވެ.

އަދި މިދިޔަ ބުދަދުވަހު އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުޙައްމަދު ޞާލިހްވެސް ވަނީ ސަން އައިލެންޑަށް ވަޑައިގެން ކޯލިޝަން ހެދުމާ ގުޅޭގޮތުން ގާސިމާއެކު މަޝްވަރާ ކުރައްވާފައެވެ.