ދުނިޔޭގެ މައި ފުޓްބޯޅަ އިދާރާ، ފީފާ އިން ސްރީ ލަންކާގެ ފުޓްބޯޅަ ފެޑެރޭޝަނަށް ދިން ސަސްޕެންޝަން ހަތް މަހަށް ފަހު މިއަދު އުވާލައިފި އެވެ.
ސްރީ ލަންކާގެ ފުޓްބޯޅަ ފެޑެރޭޝަނަށް ތިން ވަނަ ފަރާތެއްގެ ނުފޫޒު ފޯރާފައިވާ ކަމަށް ބުނެެ ފީފާ އިން އެ ގައުމު ސަސްޕެންޑް ކުރީ ޖެނުއަރީ 21 ވަނަ ދުވަހު އެވެ. ފީފާ އިން މި ގޮތަށް ނިންމަން ޖެހުނީ، ޖެނުއަރީ މަހު 14 ވަނަ ދުވަހު ބޭއްވި ސްރީ ލަންކާ ފުޓްބޯޅަ ފެޑެރޭޝަނުގެ އިންތިހާބާ ގުޅޭ މައްސަލަތަކެއް ބެލުމަށް ފަހު އެވެ.
އޮކްޓޫބަރު މަހު ފަށަން ތާވަލުކޮށްފައި އޮތް ފީފާ ވޯލްޑް ކަޕް/ އޭޝިއަން ކަޕް ޖޮއިންޓް ކޮލިފައިންގައި ވާދަކުރަން ސްރީ ލަންކާ އަށް މިހާރު ފުރުސަތު އެބައޮތެވެ. އެއީ ފީފާ އިން މިއަދު ސްރީ ލަންކާގެ ސަސްޕެންޝަން އުވާލަން ނިންމައި، ވަކި މުއްދަތެއްގެ ތެރޭގައި ފުރިހަމަކުރަން ޝަރުތުކުރި ކަންކަން ބަރާބަރަށް ނިންމައިގެންނެވެ.
ސަސްޕެންޝަންގައި އޮތުމުގެ ސަބަބުން ސްރީ ލަންކާ އަށް މިދިޔަ ޖޫން މަހު އިންޑިއާގެ ބެންގަލޫރުގައި ބޭއްވި ސާފް ޗެމްޕިއަންޝިޕްގައި ނުކުޅެވުނެވެ. ފީފާ އިން ވަނީ އެ ފެޑެރޭޝަނުން ސްްރީ ލަންކާއަށް އެންގި ގޮތަށް އަސާސީ ގަވާއިދުގެ ތެރެއިން އަންނަ މަހުގެ 29 ވަނަ ދުވަހުގެ ކުރިން ސްރީ ލަންކާ ފުޓްބޯޅަ ފެޑެރޭޝަންގެ އިންތިހާބު ބާއްވައިގެންނެވެ.
ފީފާއިން ސްރީ ލަންކާގެ ސަސްޕެންޝަަން އުވާލާފައިމިވަނީ ހަތް މަހާއި ހަތް ދުވަސް ފަހުންނެވެ.