ތުރުކީގެ މީރު ބިސްކޯދު "އެޓީ"ގެ ރާއްޖޭގެ ޑިސްޓްރިބިއުޓަރަކަށް އޭރީޒް

ތުރުކީވިލާތުގެ މަޝްހޫރު މީރު ބްރޭންޑް އެޓީގެ ބިސްކޯދު ރާއްޖޭގެ މާކެޓަށް އޭރީޒް އެންޓަރޕްރައިޒަސް ޕްރައިވެޓް ލިމިޓެޑުން ތައާރަފްކޮށްފިއެވެ.

އޭރީޒުން ރާއްޖޭގެ މާކެޓަށް ނެރެފައިވަނީ ބިސްކޯދު، ވެފަރ އަދި ކޭކުގެ ބާވަތްތަކެވެ. އެޓީ ބްރޭންޑްގެ ބިސްކޯދުގެ ބާވަތްތަކަކީ 60 އަހަރުގެ ތަޖުރިބާއާއެކު އެންމެ ޒަމާނީ މެޝިނަރީ އާއި ޓެކްނޮލޮޖީ ބޭނުންކޮށްގެން އުފައްދާ ތަކެއްޗެވެ. އެޓީގެ ބިސްކޯދާއި އެހެނިހެން ބާވަތްތަކަކީ ޔޫރަޕް، މިޑްލް އީސްޓް ޤައުމުތަކުގެ މާކެޓުތަކުގައި ކަސްޓަމަރުންގެ މަގްބޫލުކަން ހޯދާފައިވާ ބާވަތްތަކެކެވެ.

އޭރީޒްގެ މާކެޓިން މެނޭޖަރ މުހައްމަދު ޞަބާހު ބުނީ އެސްޓީއޯގެ ސުޕަމާޓަށް ވަންނައިރު ބިސްކޯދުގެ ރަހަ ބަލާލައި އިނާމުތަކެއް ލިބޭގޮތަށް ބެލޫން ޕޮޕްގޭމެއް ކުޅެވޭނެ އިންތިޒާމު ހަމަޖައްސާފައިވާކަމަށެވެ. އަދި ސުޕަމާޓްގެ ތެރޭގައި މޭޖާރ ގޭމެއް ކުޅެ އަގުހުރި އިނާމު ހިމެނޭ ގިފްޓް ހެމްޕާއެއް ލިބޭނެ ފުރުސަތުވެސް އޮތްކަމަށް އޭނާ ބުންޏެވެ.

މިގޮތުން ޖުމުލަ 5 ކޭހުގެ އެޓީ އޯޑަރެއް ގަންނަ ފަރާތްތަކަށް (ޗޮކްލެޓް ޕްލޭވަރ)ގެ 1 ފޮށި ހިލޭ ލިބޭނެ ކަމަށާއި މިގޮތަށް ލިބޭނީ ފުރަތަމަ 100 ކަސްޓަމަރުންގެ އޯޑަރު ތަކަށްކަމަށް އޭރީޒުން ބުނެއެވެ.

ޞަބާހު ބުނީ ކުރިއަށް އޮތް ދުވަސްތަކުގައި މިބިސްކޯދުގެ ރަހަ ހިލޭ ދައްކާލުމަށާއި ޢާއްމުންގެ މަގުބޫލު ބްރޭންޑަކަށް މިބްރޭންޑް ހެދުމަށް ގިނަ އިވެންޓްތައް ރޭވިފައިވާކަމަށެވެ. އެގޮތުން ހުޅުމާލެއާއި، މާލޭގެ އެހެން ސަރަހައްދުތަކާއި، ފުވައްމުލަކާއި، ކުޅުދުއްފުށީގެ އިތުރުން އައްޑޫގައިވެސް އިވެންޓުތަކެއް ކުރިއަށް ގެންދިއުމަށް ހަމަޖެހިފައިވާކަމަށް އޭނާ ބުންޏެވެ.

އެޓީ ބްރޭންޑް ބިސްކޯދަކީ ޔޫރަޕްގެ އެންމެ މަގުބޫލު އެއް ބިސްކޯދެވެ. އަދި މިއީ ގިނަ އެވޯޑުތަކެއްވެސް ލިބިފައިވާ ބްރޭންޑެއްގެ ބިސްކޯދެކެވެ. ޕިރަމިޑުން ތައާރަފުކުރާ ކާނާގެ ހުރިހާ ބާވަތްތައްވެސްވަނީ ކަސްޓަމަރުންގެ މަޤްބޫލުކަން ހޯދާފައެވެ. އަދި ޕިރަމިޑަކީ ރަނގަޅު ފެންވަރުގެ ކާބޯތަކެތި ހެޔޮ އަގުގައި ކަސްޓަމަރުންނަށް ފޯރުކޮށްދޭ ފިހާރައެކެވެ.