އިނގިރޭސި ޕްރިމިއަރ ލީގުގައި މެންޗެސްޓާ ޔުނައިޓެޑް ބަލިކޮށް، އަންގޭ ޕޮސްޓެކޮގްލޫގެ ކޯޗުކަމުގައި ޓޮޓްނަމް ހޮޓްސްޕާއިން ފުރަތަމަ މޮޅު ހޯދައިފިއެވެ.
ޓޮޓްނަމުގެ ދަނޑުގައި ކުޅުނު މިމެޗު އެ ޓީމުން ކާމިޔާބުކުރީ 2-0 ގެ ނަތީޖާއަކުންނެވެ.
މި މެޗުގައި ޓޮޓެންހަމުން ގިނައިރު ބޯޅައ ގެންގުޅުނު ނަމަވެސް ގިނަ ހަމަލާ އުފައްދާފަވާނީ ޔުނައިޓެޑުންނެވެ. އަދި މި މެޗުގައި ދެ ޓީމުންވެސް ވަނީ ލަނޑު ޖަހާނެ ގިނަ ފުރުސަތުތަކެއް ތަނަވަސްކޮށްފައެވެ.
މި މެޗުގެ ފުރަތަމަ ހާފުގައި ރޭ ޔުނައިޓެޑަށް ލީޑުނަގައިދޭން މާކަސް ރަޝްފޯޑާއި ބްރޫނޯ ފެނާންޑޭސް އަށް ރަނގަޅު ފުރުސަތުތަކެއް ލިބި ބޭނުމެއް ނުހިފުނެވެ. އެއާއެކު މި މެޗުން ޓޮޓްނަމް މޮޅުވީ ދެ ވަނަ ހާފުގައި ޖެހި ލަނޑުތަކާ އެކު އެވެ. މެޗުގައި ޓޮޓެންހަމަށް ލީޑު ނަގައިދިނީ ދެވަނަ ހާފު ފަށައިގެން ހަތަރުވަނަ މިނިޓްގައި ޕާޕޭ މަޓާ ސާއެވެ. އަދި މެޗުގެ 83 ވަނަ މިނެޓުގައި ޓޮޓެންހަމް އިން ވަނީ ޔުނައިޓެޑްގެ ޑިފެންޑަރު އެލިސަންދްރޯ މާޓީނޭޒް އަތުން ބައިކޮޅަށް ވަން ލަނޑާއެކު ލީޑު ފުޅާކޮށްފަ އެވެ.
މި މޮޅާއެކު ޓޮޓެންހަމްގެ ކޯޗު ޕޯސްޓެކޮގްލޫ ފުރަތަމަ މޮޅު ހޯދިއިރު، އޭނާ މި ވަނީ އެ ޓީމުގެ ސަޕޯޓަރުންގެ އިތުބާރު ހޯދާފައެވެ.