ރައީސުލްޖުމްހޫރިއްޔާގެ ދެކަނބަލުންގެ ޝަރަފްގައި ތޮއްޑޫއިން ޚާއްޞަ ފަރިއްކޮޅެއް
-
ރައީސްގެ ދެކަނބަލުން ތޮއްޑޫއަށް ވަޑައިގަތީ ހެނދުނު
-
ތޮއްޑޫގައި ޢީދުގެ ގިނަ ހަރާކްތަކެއް އަންނަނީ ބާއްވަމުން
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ދެކަނބަލުންގެ ޝަރަފްގައި އއ.ތޮއްޑޫ ކަނބަލުންގެ ފަރާތުން ދެއްވި ޚާއްޞަ ފަރިކޮޅެއްގައި ރައީސުލްޖުމްހޫރިއްޔާގެ ދެކަނބަލުން ބައިވެރިވެވަޑައިފެންފިއެވެ.
މިއަހަރުގެ އަޟްހާ ޢީދު ތޮއްޑޫގައި އަންނަނީ ވަރަށް ކުލަގަދަކޮށް ފާހަގަކުރަމުންނެވެ. ރައީސުލްޖުމްހޫރިއްޔާގެ ދެކަނބަލުން މިއަދު ހެނދުނު ތޮއްޑޫއަށް ވަޑައިގަތުމުން ރައްޔިތުންގެ ފަރާތުން ވަނީ ވަރަށް ހޫނު މަރުޙަބާއެއް ދަންނަވާފައެވެ. އެގޮތުން ވަރަށް ގިނަ ޢަދަދެއްގެ ރައްޔިތުން ބަނދަރު ސަރަހައްދަށް އެއްވެ ރައީސުލްޖުމްހޫރިއްޔާގެ ދެކަނބަލުންނަށް މަރުޙަބާ ދެންނެވުމުގައި ވަނީ ބައިވެރިވެފައެވެ.
President @ibusolih and First Lady Fazna Ahmed attended a traditional lunch hosted by the women’s community of Thoddoo Island in the Alifu Alifu Atoll on the occasion of Eid al-Adha. The President and First Lady met with and spoke with the residents during the visit to the island pic.twitter.com/ocubytR6Y9
— The President's Office (@presidencymv) June 28, 2023
ރައީސުލްޖުމްހޫރިއްޔާގެ ދެކަނބަލުންގެ ޝަރަފްގައި ތޮއްޑޫ ކަނބަލުންދެއްވި ފަރިއްކޮޅު އޮތީ މެންދުރެވެ. މި ފަރިއްކޮޅުގައި ދައުލަތުގެ ބައެއް ވަޒީރުންވެސް ބައިވެރިވެވަޑައިގެންނެވިއެވެ.
ރައީސުލްޖުމްހޫރިއްޔާގެ ދެކަނބަލުން މިއަދު ހަވީރު މާލެ ވަޑައިގަތުމަށް ވަނީ ހަމަޖެހިފައެވެ.
— The President's Office (@presidencymv) June 28, 2023
ތޮއްޑޫގައި މިފަހަރުގެ ޢީދުގައި ޝަޤާފީ ކުޅިވަރުގެ ގިނަ ހަރަކާތްތަކެއް ކުރިއަށް ގެންދެއެވެ. އޭގެތެރޭގައި ޢީދު ވެދުމާދިއުމާއި، ބޮޑު މަސް ބޭނުމާއި، މާލި އަދި ޢީދު ޝޯވ ކުރިއަށް ގެންދިއުމަށް ހަމަޖެހިފައިވެއެވެ.