ނެދަލަންޑްސްގައި މިހާރު ކުރިއަށްދާ ލިބޭމާ އޯޕަން ޓެނިސް މުބާރާތުގައި ކުރީގެ އެއްވަނަ އަންހެން ޓެނިސް ކުޅުންތެރިޔާ ވިކްޓޯރިއާ އަޒަރެންކާ އަތުން ސީޑް ނުކުރެވޭ އެމެރިކާގެ ކުޅުންތެރިއެއް ކަމަށްވާ އޭޝްލީން ކުރުއެގާ މޮޅުވެއްޖެއެވެ.
އުމުރުން 19 އަހަރުގެ ކުރުއެގަރ މިމެޗް ކާމިޔާބުކުރީ ސީދާ ދެސެޓުންނެވެ. އެއީ ހައެއް ތިނެއް އަދި ހައެއް ދެއަކުންނެވެ. މިއީ ދުނިޔޭގެ އެންމެ މޮޅު 20 ކުޅުންތެރިންގެ ތެރެއިން ކުޅުންތެރިޔަކާއި ބައްދަލުކޮށް ކުރުއެގަރ މޮޅުވި ފުރަތަމަ މެޗެވެ.
މިމުބާރާތުގައި އެއްވަނައަށް ސީޑް ކުރެވިފައިވާ އަންހެން ކުޅުންތެރިޔާ ކަމަށްވާ ރަޝިޔާގެ ވެރޯނިކާ ކުޑަރމެޓޯވާ އާއި ކެނެޑާގެ ކެރޯލް ޒާއޮ ބައްދަލުކުރިމެޗް ހައެއް އެކެއް އަދި ހައެއް ތިނަކުންނެވެ.
ފިރިހެނުންގެ ބަޔަށް ބަލާލާއިރު ދެވަނައަށް ސީޑް ކުރެވިފައިވާ އިޓަލީވިލާތުގެ ޔަނިކް ސިނަރ އާއި ކަޒަކިސްތާންގެ އެލެގްޒެންޑަރ ބުކްލިކް ބައްދަލުކުރިމެޗް ސީދާ ދެސެޓުން ކާމިޔާބުކުރީ ސިނަރއެވެ. މިމެޗް ސިނަރ ގެންގޮސްފައިވަނީ ހައެއް ހަތަރެއް އަދި ހައެއް ދެއަކުންނެވެ. ސިނަރ ދެން ބައްދަލުކުރުމަށް ހަމަޖެހިފައިވަނީ ފަރަންސޭސިވިލާތުގެ އޫގޯ ހަމްބަރޓް އާއި ބައްދަލުކޮށް ދެސެޓް އެއްސެޓުން ކުރި ހޯދި ފިންލަންޑްގެ އެމީލް ރޫސުވުއޯރީ އާއެވެ. އޭނާ މިމެޗް ކާމިޔާބުކުރީ ހައެއް ދެއެއް، ހައެއް ހަތެއް އަދި ހައެއް ހަތަރަކުންނެވެ.