އެންބީއޭ ބާސްކެޓްބޯޅަ މުބާރާތުގައި ވާދަކުރާ ޓޮރޮންޓޯ ރެޕްޓާސްގެ އައު ކޯޗަކަށް ޑާކޯ ރަޔަކޮވިޗް ހަމަޖައްސައިފިއެވެ.
ރަޔަކޮވިޗް މިހާތަނަށް މަސައްކަތް ކުރަމުންދިޔައީ މެމްފިސް ގްރިޒްލީސްގެ އެސިސްޓަންޓް ކޯޗުގެ ގޮތުގައެވެ.
ރެޕްޓާސްއިން ވަނީ މިފަހަރުގެ ސީޒަންގެ އޭޓީއެންޑްޓީ ޕްލޭ އިން މުބާރާތުން ބަލިވުމާއެކު އެ ޓީމުގެ ކޯޗް ނިކް ނާސް މަގާމުން ވަކިކޮށްފައެވެ. ނާސް މަގާމުން ވަކިކޮށްފައިމިވަނީ ފަސް އަހަރު ދުވަހު އެ މަގާމުގައި އޭނާ ހުރި ފަހުންނެވެ. އަދި އޭނާ ވަނީ މަގާމާ ހަވާލުވި ފުރަތަމަ ސީޒަން ކަމުގައިވާ 2018 ވަނަ އަހަރުގެ ސީޒަނުގައި އެ ޓީމަށް އެންބީއޭ ތަށި ކާމިޔާބުކޮށްދީފައެވެ.
ރަޔަކޮވިޗަށް ވެގެންދާނީ މިފެންވަރުގެ ޓީމެއްގެ ހެޑް ކޯޗުކަމުގެ މަގާމު އަދާކުރާ ފުރަތަމަ ފަހަރަށެވެ. އޭނާ އެންބީއޭގައި ހަރަކާތްތެރިވާތާ މިހާރު ނުވަ އަހަރު ވެއްޖެއެވެ. އަދި މި ނުވަ އަހަރުގައި އޭނާ ހަރަކާތްތެރި ވެފައިވަނީ އެކި ކުލަބުތަކުގެ އެސިސްޓަންޓް ކޯޗެއްގެ ގޮތުގައެވެ. މިގޮތުން މިހާތަނަށް އޭނާ ވަނީ އޮކްލޮހޯމާ ސިޓީ ތަންޑާ އާއި، ޕީނިކްސް ސަންސް އަދި ގްރިޒްލީސްގެ އެސިސްޓަންޓް ކޯޗްގެ ގޮތުގައި ހަރަކާތްތެރިވެފައެވެ.