އިނގިރޭސި ޕްރިމިއަރ ލީގުން ރެލިގޭޓުވި ލެސްޓާ ސިޓީއަށް ކުޅެމުން އައި ބެލްޖިއަމުގެ ޔޫރީ ޓިއެލެމަންސް، އެސްޓަން ވިލާއަށް ގެންދިއުމާ ގުޅެގޮތުން އެއްބަސްވުމަކަށް އަތުވެއްޖެއެވެ.
މައުލޫމާތު ލިބިފައިވާ ގޮތުގައި މި ސީޒަން ނިމުމާއެކު ލެސްޓާއާއެކު ޓިއެލެމަންސް ހަދާފައިވާ އެއްބަސްވުން ނިމުމަކަށް އަންނާނެއެވެ.
ހިލޭ ޓްރާންސްފާއެއްގެ ދަށުން އަންނަ މަހުގެ އެއްވަނަ ދުވަހުއެވެ. ލެސްޓާ ރެލިގޭޓް ވުމާއެކު ޓިއެލެމަންސް ހޯދުމަށް އާސެނަލާއި މެންޗެސްޓާ ޔުނައިޓެޑްގެ އިތުރުން ރޯމާއިން ވަނީ މަސައްކަތް ކޮށްފައެވެ.
ޓިއެލެމަންސް ލެސްޓާއަށް ބަދަލުވެފައިވަނީ 2019 ވަނަ އަހަރު މޮނާކޯއިން ލޯން އެއްބަސްވުމެއްގެ ދަށުންނެވެ. އަދި 2021 ވަނަ އަހަރުގެ އެފްއޭ ކަޕް އެ ޓީމަށް ކާމިޔާބުކޮށްދިނުމުގައި މުހިންމު ދައުރެއް ވަނީ އަދާކޮށްފައެވެ. އެގޮތުން ޗެލްސީއާ ދެކޮޅަށް ކުޅުނު ފައިނަލް މެޗްގައި ލެސްޓާއިން ކާމިޔާބުކުރި ހަމައެކަނި ލަނޑު ޖަހައިދިނީ ޓިއެލެމަންސްއެވެ. ޓިއެލެމަންސް ވެގެންދާނީ އައު ސީޒަނަށް ވިލާއިން އެ ޓީމަށް ގެންދާ ފުރަތަމަ ކުޅުންތެރިޔާއަށެވެ. ޓިއެލެމަންސް ވަނީ ލެސްޓާއަށް ކުޅެދިން 195 މެޗްގައި 28 ލަނޑު ކާމިޔާބުކޮށްދީފައެވެ.
އެސްޓަން ވިލާއިން ވަނީ މިސީޒަންގެ ފަހު ބައިގައި މޮޅު ކުޅުމެއް ދައްކައި، ތާވަލްގެ ހަވަނައިގައި އޮވެ ލީގު ނިންމާލާފައެވެ. އެއާއެކު ވިލާ އެ ޓީމު ވަނީ އަންނަ ސީޒަންގެ ޔޫރޮޕާ ކޮންފަރެންސް ލީގުން ޖާގައެއް ހޯދާފައެވެ.