ބ. އަތޮޅު ތަޢުލީމީ މަރުކަޒުގައި ތަފާތު ނުކުޅެދުންތެރިކަން ހުންނަ ކުދިންނަށް ޚާއްސަކޮށްގެން ކުރިއަށްގެންދާ ކުލުނުހިޔާގައި ކިޔަވައިދިނުމަށް ބޭނުންވާ ބައެއް ވަޞީލަތްތައް ދިރާގުން ހަދިޔާކޮށްފިއެވެ.
ބ. އަތޮޅު ތައުލީމީ މަރުކޒުގައި ބޭއްވި ރަސްމިއްޔާތުގައި ދިރާގުގެ ފަރާތުން މި ތަކެތި ބ. އަތޮޅު ތައުލީމީ މަރުކަޒަށާ ހަވާލުކޮށްދެއްވީ އެ ކުންފުނީގެ ސޭލްސް އެންޑް މާކެޓިން ޑިރެކްޓަރު އަލީ ރިޔާޒު އެވެ. ބ. އަތޮޅު ތައުލީމި މަރުކަޒުން މި ތަކެއްޗާ ހަވާލުވެ ވަޑައިގަތީ އެ ސްކޫލުގެ ޕްރިންސިޕަލް އަހްމަދު ރަފީއު އެވެ. ދިރާގުގެ އިޖްތިމާޢީ ޒިންމާގެ ދަށުން ހަދިޔާކުރި ތަކެތީގެ ތެރޭގައި ކޮމްޕިއުޓަރ ސިސްޓަމާއި، އައިޕެޑް، ތެރަޕީ ބޯލްސް، ބައިސްކަލް، ވުޑްން ޓޫލްސް އަދި ވޯޓަރ ޕޫލް ފަދަ ތަކެތި ހިމެނެއެވެ.
ދިރާގުން ހަދިޔާކުރި ތަކެއްޗާއިއެކު ކިޔަވައިދިނުމަށް ފުރިހަމަ ސެޓަޕެއް ޤާއިމުކުރައްވާނެކަމަށް އެމަރުކަޒުން މަޢުލޫމާތުދެއެވެ. 2014 ވަނަ އަހަރުން ފެށިގެން ހިންގަވަމުން ގެންދަވާ ކުލުނުހިޔާގައި 12 ވަރަކަށް ކުދިން ރަޖިސްޓްރީކޮށްފައިވެއެވެ.