ބްރިޖުގައި ދުއްވާފައި ދަނިކޮށް ރޯވި ކާރު.- ފޮޓޯ / އަބްދުﷲ ޔަޝާއު
ހުޅުމާލެ ބްރިޖްގައި ދުއްވާފައި ދިޔަ ކާރެއްގައި އަލިފާން ރޯވެއްޖެއެވެ.
މި ހާދިސާގައި އެއްވެސް މީހަކަށް އަނިޔާއެއް ނުލިބެއެވެ. އެހެންނަމަވެސް ކާރުގެ އިންޖީނުގައި ވަރަށް ބޮޑަށް ރޯވެ ކާރުގެ ކުރީކޮޅާއި އެކު ވަނީ އަނދާފައެވެ.
ކާރުގައި އަލިފާން ރޯވި ރިޕޯޓް ލިބިވަޑައިގަތީ 04:09 އެހާކަންހާއިރު ކަމަށާއި ފަޔަރ އެންޑް ރެސްކިއު ޓީމު ގޮސް 04:20 އެހާކަންހާއިރު އަލިފާންގަނޑު ނިއްވާލާފައިވާކަމަށް އެމްއެންޑީއެފުން ވިދާޅުވިއެވެ.
ފުލުހުން ވިދާޅުވީ ކާރެއްގައި ރޯވެ އެކަމުގެ ރިޕޯޓް ލިބުމުން އެ ސަރަހައްދުގައި ހަރަކާތްތެރިވަމުންދާކަމަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ