މަޖީދީމަގު ޑައިންމޯ ކައިރީގައި ތޫނު ހަތިޔާރު ބޭނުންކޮށްގެން މަރާމަރީ ހިންގަން އުޅެނިކޮށް ހައްޔަރުކުރި މީހާގެ ބަންދަށް ކްރިމިނަލް ކޯޓުން 15 ދުވަސް ދީފިއެވެ.
ފުލުހުން ވިދާޅުވީ ރޭ 23.25 އެހާކަށް ހާއިރު މަޖީދީމަގު ޑައިންމޯ ކައިރީގައި ތޫނު ހަތިޔާރު ބޭނުންކޮށްގެން މަރާމަރީ ހިންގަން އުޅުނު ބަޔަކު ހައިވިޒިބިލިޓީ ފުުލުހުން ހުއްޓުވާފައިވާ ކަމަށެވެ.
އަދި މިމައްސަލައާ ގުޅިގެން 25 އަހަރުގެ ދިވެހި ފިރިހެނަކު ހައްޔަރުކޮށްފައިވާ ކަމަށް ފުލުހުން ރޭވަނީ ވިދާޅުވެފައެވެ.
މިމާރާމާރީ ހިންގަން އުޅުނު ބައެއް މީހުންވަނީ ފިލާފައިވާ ކަމަށާއި އެތަނުން ދެ މީހަކު ފިލާފައިވާ ކަމަށާއި އެމީހުން ދެނެގަނެ ހޯދުމުގެ މަސައްކަތް ކުރަމުން އަންނަ ކަމަށް ފުލުހުން ވިދާޅުވެއެވެ. އެދެ މީހުން ފިލާފައިވަނީ އެމީހުން ދުއްވި ސައިކަލް އެތަނަށް ދޫކޮށްލާފައި ކަމަށާއި އެ ދެ ސައިކަލް ޓޯކޮށްފައިވާ ކަމަށްވެސް ފުލުހުން ވިދާޅުވެއެވެ.
މިމައްސަލަ ފުލުހުންދަނީ ތަހްޤީގު ކުރަމުންނެވެ.