ވައިގެމަގުން ރާއްޖެއަށް މަސްތުވާތެކެތި އެތެރެކުރަނިކޮށް މިދިޔަ މަހު އަތުލައިގަތް ފާކިސްތާނު ހަތަރު މީހުންގެ ހަށިގަނޑުން 2.9 ކިލޯގެ މަސްތުވާތަކެތި ހޯދައިފިއެވެ.
މިމީހުން އަތުލައިގަތީ އެމީހުން އަމަލުތައް ހުރި ގޮތުން ޝައްކުކުރެވިގެން މިދިޔަ މަހުގެ 31 ވަނަދުވަހުއެވެ. އަދި އެމީހުން އައިޖީއެމްއެޗަށް ގެންގޮސް ސްކޭންކޮށްގެން ބެލުމުން ދިރުވާލައިގެން ހަށިގަނޑުގެ ތެރޭގައި މަސްތުވާތަކެތި ރައްކާކޮށްފައިވާކަން އެނގި ފުލުހުންގެ ބެލުމުގެ ދަށުގައި ބައިތިއްބައިގެން އެތަކެތި އެމީހުންގެ ހަށިގަނޑުން ވަނީ ނަގާފައެވެ. އޭގެތެރޭގައި ހިމެނެނީ 3 ފިރިހެނަކާއި އަންހެނެކެވެ.
މިމީހުން ފުލުހުންގެ ބެލުމުގެ ދަށަށް ގެންގޮސް އެމީހުން ބޮޑުކަމުދިޔަ ތަކެތީގެ ތެރެއިން 227 ބްލެޓް މަސްތުވާތަކެތިވަނީ ހޯދާފައެވެ. އެއީ ޖުމްލަ 2.9 ކިލޯގެ މަސްތުވާތަކެއްޗެވެ.
މި ހަތަރު މީހުންވަނީ އެމީހުން ރާއްޖެއަށް މަސްތުވާތަކެތި އެތެރެކުރަން މަސައްކަތް ކުރިކަމަށް ކޯޓްގައި އިއުތިރާފުވެފައެވެ. އަދި މި އެންމެންގެ ބަންދަށް ކޯޓުންވަނީ 30 ދުވަހުގެ މުއްދަތެއް ޖަހައިދީފައެވެ. މިމީހުންގެ މައްޗަށް ތުހުތަތުކޮށްފަައިވަނީ ޖަމާއަތް ހަދައިގެން ރާއްޖެއަށް މަސްތުވާތަކެތި އެތެރެކޮށް ޓްރެފިކް ކުރަން އުޅުމުގެ ކުށެވެ.