ރާއްޖޭގެ ގައުމީ ބެޑްމަންޓް ޓީމުގައި ހިމެނޭ ނަބާ އާއި ނަބީ --- ފޮޓޯ: އެމްއޯސީ
ލިނިންގް މޯލްޑިވްސް އިންޓަރނޭޝަނަލް ބެޑްމިންޓަން ޗެލެންޖް އަންނަ ހޯމަ ދުވަހު ފަށަން ހަމަޖެހިއްޖެއެވެ.
މި މަހުގެ 5 އިން 10 އަކަށް ކުރިއަށްދާ މި މުބާރާތް އޮންނާނީ އެކުވެނި ބެޑްމިންޓަން ކޯޓުގައެވެ.
މުބާރާތުގައި ބައިވެރިވާ ކުޅުންތެރިން މިއަދު ރާއްޖެ އަންނަން ފަށާފައިވާއިރު، މި މުބާރާތުގައި 33 ގައުމަކުން 303 ކުޅުންތެރިން ބައިވެރިވާނެއެވެ. އަދި މުބާރާތުގެ އޮފިޝަލުންނާއެކު 350އަށްވުރެ ގިނނަ މީހުން ރާއްޖެ އަންނާނެކަމަށް ބެޑްމިންޓަން އެސޯސިއޭޝަނުން މައުލޫމާތުދެއެވެ.
މިއީ މި އަހަރު ރާއްޖޭގައި ބާއްވާ ބައިނަލްއަގްވާމީ ހަތަރުވަނަ މުބާރާތެވެ. މީގެ ކުރިން ރާއްޖޭގައި ވަނީ ބައިނަލްއަގްވާމީ ވޮލީ މުބާރާތަކާއި، ބިލިއާޑް މުބާރާތެއްވެސް ބާއްވާފައެވެ. މިދިޔަ އަހަރު އެކަނިވެސް ރާއްޖޭގައި ބައިނަލްއަގްވާމީ ނުވަ މުބާރާތެއް ބާއްވާފައިވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ