އިނގިރޭސި އެފްއޭ ކަޕުގެ ފައިނަލުގައި މެންޗެސްޓާ ޔުނައިޓެޑުގެ ފޯވާޑް އެންތަނީ މާޝިއަލަށް އަނިޔާގެ ސަބަބުން ނުކުޅެވޭނެކަން ހާމަވެއްޖެއެވެ.
މާޝިއަލް އަށް އަނިޔާވެފައިވަނީ އިނގިރޭސި ޕްރިމިއާ ލިގުގެ ފަހު މެޗްގައި ފުލަމް އާއި ބައްދަލުކޮށް 2-1 ގެ ނަތީޖާއަކުން ޔުނައިޓެޑް މޮޅުވި މެޗުގައެވެ.
ޔުނައިޓެޑުން ހާމަކުރިގޮތުގައި ރޭ ހެދި ޓެސްޓްތަކުން ދައްކާ ގޮތުގައި އޭނާގެ ފައިގެ މަސްގަނޑަށް ވަނީ އަނިޔާވެފައެވެ. މިސީޒަންގައި މާޝިއަލްއަށް ވަނީ އަނިޔާގެ ގިނަ މައްސަލަ ތަކަކާއި ކުރިމަތިލާން ޖެހިފައެވެ.
މިފަހަރުގެ ޕްރިމިއަރ ލީގުގައި އޭނާ ކުޅުނު 21 މެޗްގައި ވަނީ ހަ ލަނޑު ޖަހާދީ 2 އެސިސްޓް ކޮށްފައެވެ. އެފް އޭ ކަޕް ފައިނަލްގައި ޔުނައިޓެޑް ވާދަވެރި މެންޗެސްޓަރ ސިޓީ މިއަންނަ ހޮނިހިރު ދުވަހު ބައްދަލު ކުރުމަށް ހަމަޖެހިފައިވާއިރު އެޓީމްގެ ބްރެޒިލް ކުޅުންތެރިތާ އެންތަނީއަށްވެސް އަނިޔާގެ މައްސަލައަކާއި ވަނީ ކުރިމަތިވެފައެވެ. އޭނާއަށް އަނިޔާވީ ޗެލްސީއާއި ކުޅޭ ހަތަރު ލަނޑު އެއްލަނޑުން މޮޅުވި މެޗްގައެވެ.
އެކަމަކު ޔުނައިޓެޑްގެ ކޯޗް އެރިކް ޓެން ހާގް ހާމަކުރާގޮތުގައި އެންތަނީ އެމެޗަށް ފިޓްވުން ވަރަށް ގާތެވެ. މިސީޒަންގެ ފުރަތަމަ ތަށި ކަމަށްވާ ކަރަބާއޮ ކަޕް ކާމިޔާބު ކުރެވިފައިވުމުން ޑޮމެސްޓިކް ދެތަށި ކާމިޔާބު ކުރުމުގެ ފުރުސަތު ޔުނައިޓެޑަށް މިވަނީ ލިބިފައެވެ.
މީގެއިތުރުން އިނގިރޭސި ޕްރިމިއާ ލީގުގެ ޗެމްޕިއަން ސިޓީއަށް ތިން ތަށި ކާމިޔާބު ކުރިޔަ ނުދިނުމަށް މިއީ ޔުނައިޓެދަށް ލިބިގެންދާ ރަނގަޅު ފުރުސަތެކެވެ.
މީގެކުރިން ޕްރިމިއަރ ލީގާއި އެފް އޭ ކަޕާއި ޗެމްޕިއަންސް ލީގުގެ ތަށި އެއް ސީޒަނެއްގައި ކާމިޔާބު ކުރެވިފައިވަނީ ޔުނައިޓެޑަށް އެކަންޏެވެ. އެއީ 1999 ވަނަ އަހަރު ސަރ އެލެކްސް ފާގަސަން ޔުނައިޓެޑްގެ ކޯޗަކަށް ހުރި އިރުއެވެ.