ފ. ފިލިތެޔޮ ކައިރިން ކަނޑު އަޑިއަށް ފައްތާފައި ހުއްޓައި ފެނުނު މަސްތުވާތަކެތީގެ ބަރުދަނުގައި 45 ކިލޯ ހުރި ކަމަށް ފުލުހުން ވިދާޅުވެއްޖެއެވެ.
ފުލުހުން މިހެން ވިދާޅުވީ މިތަކެތި ފެނުމާ ގުޅިގެން ކުރިއަށް ގެންދެވި އޮޕަރޭޝަން ނިންމަވާލެއްވިކަން ހާމަކުރައްވަމުންނެވެ.
ފުލުހުން ވިދާޅުވީ މި އޮޕަރޭޝަންގައި މީހަކު ހައްޔަރުކޮށްފައި ނުވާ ކަމަށެވެ. މި އޮޕަރޭޝަންގެ ތެރެއިން ފެނިފައިވަނީ މަސްތުވާތަކެތީގެ ބާވަތެއް ކަމަށްވާ ހެރޮއިން ކަމަށް ބެލެވޭ ކަމަށާއި މިތަކެތީގެ ބަރުދަނުގައި 45 ކިލޯހުރި ކަމަށް ވެސް ފުލުހުން ވިދާޅުވިއެވެ.
މި ތަކެތި ފެނުނީ ފިލިތެޔޮ ކައިރިއަށް މަސްތުވާތަކެތި ފައްތާފައި ހުރި ކަމަށް ލިބިވަޑައިގެންނެވި މަޢުލޫމާތަކާ ގުޅިގެން ފ. އަތޮޅު ފުލުހުން ހިންގެވި އޮޕަރޭޝަނެއްގައެވެ. އަދި އެތަކެތި ހުރީ ފުލުހުންގެ ބެލުމުގެ ދަށުގައި ކަމަށް ފުލުހުން ވިދާޅުވެއެވެ.