ބޭންކް އޮފް މޯލްޑިވްސް، ބީއެމްއެލް އާއި ޓޯޓަލް ފިޓްނަސް ގްރޫޕް، ޓީއެފްޖީ ގުޅިގެން ބާއްވަމުން އަންނަ "ބީއެމްއެލް ވައު ކިޑްޒް ރަން"ގެ މިއަހަރުގެ ދުވުން ކާމިޔާބުކަމާއެކު ނިންމާލައިފިއެވެ.
3 އުމުރު ފުރާއެއްގެ ޖުމްލަ 800 އަށްވުރެ ގިނަ ކުދިން ރަޖިސްޓްރީކުރި މި ދުވުން ބޭއްވީ މިއަދު ހެނދުނު ހުޅުމާލޭގައެވެ.
މިދުވުމުގެ އުމުރުފުރާތަކަކީ
-3 އަހަރާއި 5 އަހަރާ ދެމެދު ( 1 ކިލޯ މީޓަރު)
-6 އަހަރާއި 8 އަހަރާ ދެމެދު ( 2 ކިލޯ މީޓަރު)
-9 އަހަރާއި 11 އަހަރާ ދެމެދު ( 3 ކިލޯ މީޓަރު)
މިއީ ދުޅަހެޔޮ ސިއްހަތެއްގައި ހުރުމުގެ މުހިންމުކަން ކުޑަކުދިންނަށް އުނގަންނައިދިނުމުގެ ބޭނުމުގައި އަޅުގަނޑުމެން ބާއްވާ ހާއްސަ ހަރަކާތެކެވެ.
ދުވުމުގައި ބައިވެރިވެ ކޮންމެ ކުއްޖަކުވެސް ދުވުން ނިންމި ވަގުތު ވަނީ މެޑަލް ދީފައެވެ. ބީއެމްއެލް ވާއު ކިޑްސް ރަންއަކީ ގިނަ އަދަދެއްގެ ކުޑަކުދިންގެ ތަރުހީބު ލިބޭ ދުވުމެކެވެ. މިއީ ބީއެމްއެލް އާއި ޓީއެފްޖީ ގުޅިގެން މި ދުވުން ބޭއްވި 6 ވަނަ އަހަރެވެ.