ޑްރަގް ބަންދުކޮށް އެތެރެކުރި ޕެކޭޖް. ފޮޓޯ:ކަސްޓަމްސް
ކުރިއަރ ސަރވިސް މެދުވެރިކޮށް ރާއްޖެ އެތެރެކުރަން އުޅުނު، 1.8 މިލިއަން ރުފިޔާގެ މަސްތުވާތަކެތި އަތުލައިގެންފިއެވެ.
ކަސްޓަމްސްއިން ވިދާޅުވީ މި މަސްތުވާތަކެތި ފެނިފައިވަނީ މިމަހުގެ 15 ވަނަ ދުވަހު، ކުރިއަރ ސަރވިސް މެދުވެރިކޮށް އިނގިރޭސިވިލާތުން ރާއްޖެ ގެނެސްފައިވާ ޕެކޭޖެއްގައި ޝައްކު ކުރެވޭ ބާވަތެއް ހުރުމުން، އެތަކެތި ބަލާ ފާސްކުރެއްވުމުގެ ތެރޭގައިކަމަށެވެ.
ކަސްޓަމްސްއިން ވިދާޅުވީ މިތަކެތީގެ ބަރުދަނުގައި 1 ކިލޯ ހުރިކަމަށެވެ. އަދި ފުރަތަމަ މަރުހަލާގައި ތަޙުލީލުކުރެއްވިއިރު، މިއީ މަސްތުވާތަކެތީގެ ބަވަތެއްކަމަށްވާ "މެފެޑްރޯން"ކަން އެނގިފައިވާކަމަށްވެސް ކަސްޓަމްސްއިން މަޢުލޫމާތުދެއްވައެވެ.
ކަސްޓަމްސްއިން ވިދާޅުވީ މައްސަލަ އިތުރަށް ތަޙުޤީގުކުރެއްވުމަށް، އެ ތަކެތި ފުލުހުންނާއި ހަވާލުކުރައްވާފައިވާކަމަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ