ވެލާނާ އިންޓަރނޭޝަނަލް އެއަރޕޯޓުގެ ވާރކް ސައިޓެއްގައި އަލިފާނުގެ ޙާދިސާއެއް ހިނގައިފިއެވެ.
އެމްއޭސީއެލްއިން ބުނީ މިއަދު ހެނދުނު އަލިފާނުގެ ޙާދިސާ ހިނގީ މަސައްކަތްތަކެއް ކުރަމުންދިޔަ ވާރކް ސައިޓެއްގައި ކަމަށާއި، އެއްވެސް މީހަކަށް މި ޙާދިސާގައި ގެއްލުމެއް ނުލިބޭކަމަށެވެ.
އެމްއޭސީއެލްއިން ބުނީ ސައިޓްގައި އަލިފާން ރޯވިތާ ކުޑައިރުކޮޅެއްގެ ތެރޭގައި އަލިފާން ނިއްވާލާފައިވާ ކަމަށެވެ. އަދި މިކަމުގެ ސަބަބުން އެއަރޕޯޓްގެ އެއްވެސް އޮޕަރޭޝަނަކަށް ބުރޫއަރައިފައި ނުވާކަމަށްވެސް އެމްއޭސީއެލްއިން ބުނެއެވެ.
A fire incident occurred at a work site in @VelanaAirport earlier today. However, we would like to assure all our valued passengers and stakeholders that the situation is under control thanks to the swift action taken by the airport's fire and rescue services.
— Maldives Airports Company Ltd - MACL (@MACLmedia) April 15, 2023
ސޯޝަލް މީޑިއާގައި ޢާއްމުވެފައިވާ ވީޑިއޯއާއި ފޮޓޯތަކުން ފެންނަ ގޮތުގައި އަލިފާނުގެ ޙާދިސާ ހިނގާފައިވަނީ ވާރކް ސައިޓުގައި އޮތް ވެހިކަލެއްގައެވެ. ނަމަވެސް އަލިފާނުގެ ޙާދިސާ ހިނގަން މެދުވެރި ސަބަބަކާ ގުޅޭގޮތުން އެމްއޭސީއެލްއިން ވަކި އެއްޗެއް ހާމަކޮށްފައެއް ނުވެއެވެ.