އިސްލާމީ ދުނިޔެއިން ރައީސް އިބްރާހީމް މުޙައްމަދު ޞާލިޙްގެ ތަސައްވުރު ބަލައިގަންނަކަމަށް ވިދާޅުވެ ރާއްޖެއިން ސަޢުދި ޢަރަބިއްޔާއަށް ކަނޑައަޅުއްވާފައި ހުންނަވާ ސަފީރު، މުޙައްމަދު ޚަލީލް ރައީސް ޞާލީހަށް ދެވަނަ ދައުރެއް ދެއްވުމަށް ތާއީދުކުރައްވާކަން ހާމަކުރައްވައިފިއެވެ.
މުޙައްމަދު ޚަލީލަކީ ރާއްޖެއިން ފަލަސްތީނަށް ކަނޑައަޅުއްވާފައި ހުންނަވާ ނޮން ރެސިޑެންޓް ސަފީރުވެސްމެއެވެ.
ކުރިއަށް އޮތް ރިޔާސީ އިންތިޚާބުގައި ރައީސް އިބްރާހީމް މުޙައްމަދު ޞާލިޙަށް ތާޢީދުކުރައްވާކަން ހާމަކުރައްވާ ސަފީރު ކުރެއްވި ޓްވީޓެއްގައި ވަނީ އިސްލާމީ ދުނިޔެ އާއި މެދުއިރުމަތި، ރައީސުލްޖުމްޙޫރިއްޔާ އިބްރާހީމް މުޙައްމަދު ޞާލިޙްގެ ސިޔާސަތުތައް ވަރަށް ބޮޑަށް ބަލައިގަންނަކަމަށެވެ. އަދި ދެވަނަ ދައުރަކަށް ރައީސް އިބްރާހީމް މުޙައްމަދު ޞާލިޙް ހޮވުމަށް އެމަނިކުފާނާއެކު ހުންނެވިކަންވެސް ސަފީރު ޚަލީލް ހާމަކުރައްވާފައިވެއެވެ.
ރައިސް ޞާލިޙްގެ ސަރުކާރުން ގެންދަވަނީ ޚާރިޖީ ސިޔާސަތު ފުޅަކޮށް ހަރުދަނާކުރައްވާ ޢަރަބި އިސްލާމީ ޤައުމުތަކާއެކު އޮންނަ ގުޅުން އިތުރަށް ބަދަހިކުރަމުންނެވެ.
އިސްލާމީ ދުނިޔެ އާއި މެދުއިރުމަތި، ރައީސުލް ޖުމްޙޫރިއްޔާ އިބްރާހީމް މުޙައްމަދު ޞާލިޙްގެ ސިޔާސަތުތައް ވަރަށް ބޮޱަށް ބަލައިގަންނަކަން އަޅުގަނޱު ކަށަވަރު ކޮށްދެން.
— Mohamed Khaleel (@Khaleel_MDV) April 2, 2023
ދެވަނަ ދައުރަކަށް އިބްރާހީމް މުޙައްމަދު ޞާލިޙް ހޮވުމަށް އަޅުގަނޱު މިހުރީ އެމަނިކުފާނާއިއެކު.@abdulla_shahid @ibusolih
ޚަލީލްގެ އިތުރުން އެހެން ބައެއް ޤައުމުތަކަށް ކަނޑައަޅުއްވާފައި ތިއްބަވާ ސަފީރުންވެސް އަންނަނީ ރައީސް އިބްރާހީމް މުޙައްމަދު ޞާލިޙަށް ދެވަނަ ދައުރެއް ދެއްވުމަށް ތާޢީދުކުރައްވާކަން ހާމަކުރައްވަމުންނެވެ.
އެގޮތުން މެލޭޝިއާގައި ހުންނަވާ ދިވެހި ސަފީރު ޢަލީ ޙުސައިން ދީދީ ކުރެއްވި ޓްވީޓެއްގައިވެސް ވަނީ ރައީސް އިބްރާހީމް މުޙައްމަދު ޞާލިޙަށް ދެވަނަ ދައުރެއް ދެއްވުމަށް ތާޢީދުކުރައްވާކަމަށް ވިދާޅުވެފައެވެ. ރާއްޖެއަށް ސުލްހައާއި ހަމަޖެހުން އަދި ތަރައްޤީ ދެމެހެއްޓެނިވިގޮތެއްގައި ގެނެސްދެއްވާނެކަން ރައީސް ސާބިތުކޮށްދެއްވާފައިވާކަމަށްވެސް ސަފީރު ވިދާޅުވިއެވެ.
I unequivocally express my support for President Solih for 2023 Presidency. The nation needs the peace and stability that he has reigned in to continue for Maldives to successfully pursue sustainable development @MDPSecretariat @abdulla_shahid
— Ali Didi (@AliDidi1) April 1, 2023
މިއަހަރު ބާއްވާ ރިޔާސީ އިންތިޚާބު އޮންނާނީ ސެޕްޓެމްބަރު މަހުގެ 9 ވަނަ ދުވަހެވެ.
އެމްޑީޕީގެ ރިޔާސީ ޓިކެޓް ރައީސް ޞާލިޙް ކާމިޔާބުކުރެއްވުމާއިގުޅިގެން، ސަރުކާރުގެ އިސް އެތައް މަޤާމުތަކެއްގައި ތިއްބެވި ބޭފުޅުން ވަނީ ދިވެހި ދައުލަތާ ރައްޔިތުންނަށް އެންމެ ފައިދާ ބޮޑު ގޮތަކީ، ރިޔާސީ ދެވަނަ ދައުރެއް މިހާރުގެ ރައީސުލްޖުމްހޫރިއްޔާއަށް ދެއްވުންކަމަށް ވިދާޅުވަމުންނެވެ.
މީގެ އިތުރުން ޖުމްހޫރީ ޕާޓީ، އެމްޑީޕީއާއި ވަކިން ރިޔާސީ އިންތިޚާބުގައި ވާދަކުރަން ނިންމުމާއި ގުޅިގެން އެޕާޓީގެ އިސް ބައެއް ބޭފުޅުންވެސް އަންނަނީ ޖޭޕީން ވަކިވެވަޑައިގެން ރައީސް ޞާލިޙަށް ތާޢީދުކުރައްވާކަން ހާމަކުރައްވަމުންނެވެ.