ކަނޑުހުޅުދޫ
ގއ. ކަނޑުހުޅުދޫގައި ގެއްލިގެން ހޯދަމުންދިޔަ 24 އަހަރުގެ ފިރިހެނަކު މޫދުގައި މަރުވެފައި އޮއްވާ ފެނިއްޖެއެވެ.
ފުލުހުން ވިދާޅުވީ، ގއ. ކަނޑުހުޅުދޫގައި 24 އަހަރުގެ ފިރިހެނަކު މިއަދު ފަތިހު ގެއިން ނުކުމެގެން ދިޔަ ގޮތައް ޚަބަރެއް ނުވެގެން ރިޕޯޓްކޮށްފައިވާކަމަށެވެ.
އަދި އާއިލާގެ މީހުންނާއި ފުލުހުން އޭނާ ހޯދުމުގެ މަސައްކަތް ކުރަމުންދަނިކޮށް އޭނާ ފެނިފައިވަނީ ސައިކަލާއެކު ރަށުގެ ފަޅުތެރޭ މޫދުންކަމަށެވެ. އޭނާ ކަނޑުހުޅުދޫ ހެލްތު ސެންޓަރަށް ގެއްދިޔައިރުވެސް މަރުވެފައިވާ ކަމަށް ހެލްތު ސެންޓަރާ ހަވާލާދީ ފުލުހުން ވިދާޅުވެއެވެ.
މިކަމާއި ގުޅިގެން ބަލަންޖެހޭ ކަންކަން ބަލަމުންދާކަމަށްވެސް ފުލުހުން ވިދާޅުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ