ފުލުހުން ހޯދަން އިއުލާން ކުރި މީހާ،
ފުލުހުން ބަލަމުންދާ މައްސަލައެއްގެ ތަހުގީގަށް މީހަކު ހޯދަން އިއުލާނުކޮށްފިއެވެ.
ފުލުހުން ހޯދަން އިއުލާންކޮށްފައިވަނީ ދ. ހޯނޑެއްދޫ / ދޯދި، މުޙައްމަދު އަކުރަމް ޢަބްދުލްޙަންނާން (33އ)އެވެ. ފުލުހުން ވިދާޅުވީ، އަކުރަމް ހޯދަނީ ޑްރަގް އެންފޯސްމަންޓަށް ހުށަހެޅި ތަހުގީގު ކުރަމުންދާ މައްސަލައެއްގެ ތަހުގީގަށް މީހަކު ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓް ރައްދުކުރެވިފައިނުވާތީއާއި، އާއިލާއަށްވެސް އުޅޭ ވަކިތަނެއް އެނގިފައިނުވާތީކަމަށެވެ.
އަކްރަމް ހާޒިރު ކުރަނީ މަސްތުވާތަކެތީގެ މައްސަލައެއްގެ ތަހުގީގުގައި ސުވާލުކުރުމަށެވެ.
އޭނާ ޝަހީދު ހުސެއިން އާދަމް ބިލްޑިން އަށް ހާޒިރުވާން އަންގާފައި ވަނީ އޭޕްރީލް 13 ވަނަ ދުވަހުގެ ދޭއް ޖަހާއިރަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ