މާލެ ސިޓީ:--
ހެންވޭރުގެ ގެއަކުން ދިވެހި އަންހެނަކު ވެއްޓި މަރުވެއްޖެއެވެ.
ފުލުހުން ވިދާޅުވީ މިރޭ 20:05 ހާއިރު ހެންވޭރު ގެއަކުން މީހަކު ވެއްޓިގެން ރިޕޯޓްކޮށްފައިވާކަމަށެވެ. މަރުވެފައިވަނީ އުމުރުން 32 އަހަރުގެ ދިވެހި އަންހެނެއް ކަމަށް ފުލުހުން ވިދާޅުވިއެވެ. އައިޖީއެމްއެޗްއާ ހަވާލާދީ ފުލުހުން ވިދާޅުވީ އެމީހާ އައިޖީއެމްއެޗްއަށް ގެންދިޔައިރުވެސް މަރުވެފައިވާކަމަށެވެ.
ހެންވޭރުގެ ގެއަކުން އަންހެނަކު ވެއްޓި މަރުވެފައިވާއިރު ރޭ ވަނީ އުމުރުން 4 އަހަރުގެ ކުއްޖަކުވެސް ބެލްކަނިން ވެއްޓި މަރުވެފައެވެ. މިއީ 24 ގަޑިއިރުތެރޭ ހިނގި މިފަދަ ދެވަނަ ހާދިސާއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ