މާލެ ދަތުކުރަމުންދިޔަ ބޯޓެއްގައި އަލިފާން ރޯވެ އެކަކު ގެއްލިގެން ހޯދަން ފަށައިފިއެވެ. ރޭ ދަންވަރު ހިނގި މި ހާދިސާގައި އަލިފާން ރޯވެފައިވަނީ "އާގަލާ" ކިޔާ ބޯޓެއްގައި ކަމަށް އެމްއެންޑީއެފުން ވިދާޅުވެއެވެ،
މި ބޯޓްގައި އަލިފާން ރޯވުމާއި އެކު އޭގައި ތިބި އެންމެން ވަނީ ކަނޑަށް ފުންމާލާފައެވެ. މި ބޯޓްގައި އެވަގުތު 15 މީހުން ތިބިކަމަށާއި އެގެތެރޭގައި ހިމެނެނީ 5 ދިވެހިންނާއި އިންޑިއާ 5 މީހަކާއި ބަންގްލަދޭޝްގެ 5 މީހުންކަމަށްވެސް އެމްއެންޑީއެފުން ވިދާޅުވެއެވެ.
މި ބޯޓްް ހޯދުމުގެ މަސައްކަތް ސެންޓަރަލް އޭރިއާގެ ސިފައިން ކުރަމުން ދަނިކޮށް ބޯޓް ލޮކޭޓް ކުރެވިފައިވާކަމަށާއި ކަނޑުވި މީހުންގެ ތެރެއިން 14 މީހަކު ފެނިފައިވާކަމަށްވެސް އެމްއެންޑީއެފުން ވިދާޅުވެއެވެ. ފެނުނު 14 މީހުން މޯލްޑިވްސް ޕޮލިސް ސަރވިސްގެ އެހީތެރިކަމާއެކު މ.މުލީ ހޮސްޕިޓަލަށް ގެންގޮސްފައިވާ ކަމަށް އެމްއެންޑީއެފުން ވިދާޅުވެއެވެ. މިހާތަނަށް ނުފެނި ގެއްލިގެން ހޯދަމުން އަންނަނީ އިންޑިއާ މީހެއްކަމަށާއި އެމީހާ އަދިވެސް ފެނިފައި ނުވާކަމަށްވެސް އެމްއެންޑީއެފުން ވިދާޅުވެއެވެ. މިމީހާ ހޯދުމުގެ މަސައްކަތް ކަނޑާއި ވައިގެ މަގުން ކުރަމުން އަންނަނީ ކުރަމުންނެވެ.
މި ބޯޓުގައި އަލިފާނުގެ ހާދިސާ ހިނގައިގެން އެކަން އެމްއެންޑީއެފަށް ރިޕޯޓްކޮށްފައިވަނީ ރޭ ދަންވަރު 02:47 އެހާކަންހާއިރު އެވެ. ކަނޑުވި މީހުން ހޯދާ އެމީހުން ނަގާފައިވަނީ 4 ޖެހި ފަހުންނެވެ.
މިބޯޓުވަނީ ވަރަށް ބޮޑަށް އަނދާފައި ކަމަށާއި، ބޯޓު އަޑިއަށް ދަމުންދާ ކަމަށްވެސް އެމްއެންޑީއެފުން ވިދާޅުވެއެވެ.