މޯލްޑިވްސް ބްރޯޑްކާސްޓިންގ ކޮމިޝަންގެ ހުސްވެފައިވާ މެންބަރުކަމުގެ މަޤާމަށް ކުރިމަތިލުމުގެ ފުރުޞަތު ހުޅުވާލައްވައިފިއެވެ.
މޯލްޑިވްސް ބްރޯޑްކާސްޓިންގ ކޮމިޝަންގެ މެންބަރަކު އިސްތިއުފާ ހުށަހަޅުއްވާފައިވާތީ، ހުސްވެފައިވާ މަޤާމަށް މެންބަރަކު ޢައްޔަންކުރެއްވުމަށްޓަކައި، މެންބަރުކަމުގެ މަޤާމަށް ކުރިމަތިލުމުގެ ފުރުޞަތު ރައީސުލްޖުމްހޫރިއްޔާގެ އޮފީހުން ހުޅުވާލީ މިއަދުއެވެ.
މި މަޤާމަށް އެދި ފޯމު ހުށައެޅޭނީ މިމަހުގެ 22 އަދި 23 ވަނަ ދުވަހު ހެނދުނު 9:30 އިން މެންދުރު 12:30 އަށް ރައީސުލްޖުމްހޫރިއްޔާގެ އޮފީހަށެވެ. މިކަމަށް އެދި ހުށައަޅާ ފޯމް ރައީސުލްޖުމްހޫރިއްޔާގެ އޮފީހުގެ ވެބްސައިޓް www.presidency.gov.mv އިން ޑައުންލޯޑް ކުރެއްވޭނެއެވެ.
މި ފުރުޞަތު ހުޅުވާލީ ބްރޮޑްކާސްޓިންގ ކޮމިޝަންގެ ނައިބު ރައީސްގެ ޙައިސިއްޔަތުން މަސައްކަތްކުރައްވަމުން ގެންދެވި މެންބަރު، އަޙުމަދު ގައިސް މަޤާމުން އިސްތިއުފާދެއްވުމާއި ގުޅިގެންނެވެ. ގައިސް އިސްތިއުފާ ދެއްވީ މިމަހުގެ 9 ވަނަ ދުވަހުއެވެ.
މޯލްޑިވްސް ބްރޮޑްކާސްޓިން ކޮމިޝަން އެކުލެވިގެންވަނީ 7 މެންބަރުންގެ މައްޗަށެވެ.