އަންނަ އަހަރު އަތޮޅު ތެރޭގައި ބީ ލައިސަންސް ކޯޗިން ކޯސްތައް ބާއްވާނެ ކަމަށް މިހާރު ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) ގެ ބީ ލައިސަންސް ކޯޗިން ކޯހުގެ އިންސްޓްރަކްޓަރު މުޙައްމަދު ޝާޒްލީ ބުނެފިއެވެ.
ޕީއެސްމް ސްޕޯޓްސްއާ ވާހަދައްކަމުން ޝާޒް ބުނީ އަތޮޅުތެރޭގައި މިހާރު ސީ ލައިސެންސް ކޯޗުން ގިނަ ވާނެކަމަށާއި އަމާޒަކީ އަންނަ އަހަރު އަތޮޅު ތެރޭގައި ބީ ލައިސަންސް ބުރެއް ބޭއްވުން ކަމަށެވެ.
އަތޮޅު ތެރޭގައި ވެސް ކޯސް ހިންގުމުގައި އިސްކޮއް ހަރަކާތްތެރިވާ އިންސްޓެކްޓަރ ޝާޒް ބުނީ މިފަހަރު މާލޭގައި ކުރިޔަށްދާ އޭއެފްސީ ބީ ލައިސަންސް ކޯޗިން ކޯހަށް ވަރަށް ބޮޑު ތަރުހީބެއް ލިބުނު ކަމަށެވެ. ކުޅުންތެރިންނަށް ރިޓެޔާވުމަށްފަހު ކޯޗިންނަށް ނުކުންނަކަން ފާހަގަ ކުރަމުން ޝާޒް ބުނީ މީ އެފަދަ ފަރާތްތަކަށް ވަރަށް މުހިންމު ކޯހެއް ކަމަށެވެ. އަދި މި ކޯހުގައި އެކަޑަމީތަކުގެ ކޯޗުން ވެސް ބައިވެރިވެފާވާކަން ފާހަގަކުރިއެވެ. މި ފަހަރު ކޯހުގައި އަތޮޅު ތެރެއިން ވެސް ބައިވެރިކަން ފާޙަގަކުރަމުން މި ފަދަ ކޯޗިން ކޯސްތަކަށް ލިބޭ ތަރުހީބު ބޮޑުކަން ޝާޒްލީ ފާހަގަކުރިއެވެ.
" މިއީ އޭއެފްސީ ބީ ލައިސެންސް ކޯޗިން ކޯހެއް، އޭއެފްސީގެ ކޯހެއް ވީމަ ކަވަކުރަން ޖެހޭ ވަކި ސިލަބަހެއް އޮވޭ، އެހެންވެ އެހުރިހާ ބައިތެކެއް ވެސް ކަވާ ކުރެވޭ ގޮތަށް ބަހާލައިގެން މި ގެންދަނީ" ޝާޒްލީ ބުނިއެވެ.
ކޯހުގެ ބައިވެރިވި ބައިވެރިން ސިފަކުރާ ގޮތުގައި ކޯހުން ވަރަށް ގިނަ އެއްޗެހިތަކެއް ދަސްވެގެން ދިޔަކަމަށާއި މިއަދާ ހަމަޔަށް އާއިރު ކޯޗިންގައި ކުރިޔަށްދާން މިއެޅިގެންދިޔައީ މުހިންމު ފިޔަވަޅެއް ކަން ފާހަގަކުރިއެވެ. ކުރިން ފުރަތަމަ ޑިވިޝަންގައި ކުޅެފަތިބި ކުޅުންތެރިން ސިފަކުރި ގޮތުގައި މި ކޯހުން ލިބެގެން ދިޔައީ މުޅިން ތަފާތު ތަޖުރިބާއެއް ކަމަށާއި ގިނަ ދުވަހު ކުޅެފަ ކޯޗިންއަށް ނުކުތުމުން މުޅިން އާކަންތައްތަކެއް ދަސްވިކަމަށެވެ.
މިފަހަރުގެ ކޯހުގައި އިޖްތިމާއީ ހަރަކާތެއްގެ ގޮތުގައި ފެނުމުން މަހްރޫމްވެފައި ތިބި ކުދިންގެ ތެރެއިން ތިންކުއްޖެއް ބައިވެރިކޮށް ފުޓްބޯޅަ ކޮމެންޓްރީ އަޑުއެހުމަށް އެކުދިން ކުރަމުންދާ މަސައްކަތް ވަނީ ހިއްސާކޮއްފައެވެ. އަދި ރާއްޖެއަށް އަލަށް ތައާރަފް ކުރުމަށް މަސައްކަތް ކުރަމުންދާ ބްލައިންޑް ފުޓްބޯޅައާ ގުޅޭ މައުލާމާތު ވަނީ ހިއްސާކޮއްފައެވެ. ފަހަރުގެ ކޯހުގައި 6 އަންހެން ބައިވެރިންނާއެކު 22 ބައިވެރިން ވަނީ ބައިވެރިވެފައެވެ.