ފ.އަތޮޅުގެ ދެރަށެއްގައި ފުލުހުންގެ ޕޯސްޓް ޤާއިމުކޮށްފިއެވެ.
ފުލުހުންގެ ޚިދުމަތް ދިނުމަށް ޕޮލިސް ޕޯސްޓް އަލަށް ޤާއިމުކޮށްފައިވަނީ ފ.ފިއަލީގެ އިތުރުން އެއަތޮޅު ދަރަނބޫދޫގައެވެ.
ފ.އަތޮޅު ދަރަނބޫދޫ އާއި ފީއަލި ޕޮލިސް ޕޯސްޓް އިފްތިތާޙްކޮށްދެއްވީ މިނިސްޓަރ އޮފް ހޯމް އެފެއާޒް ޢިމްރާން ޢަބްދުﷲއެވެ. މި ރަސްމިއްޔާތުގައި މިނިސްޓަރގެ އަރިހުގައި ޑެޕިއުޓީ ކޮމިޝަނަރ އޮފް ޕޮލިސް ޢަބްދުލް މަންނާން ޔޫސުފްއާއި ޑެޕިއުޓީ ކޮމިޝަނަރ އޮފް ޕޮލިސް ޢަލީ ރަޝީދުގެ އިތުރުން ސަރުކާރު މުއައްސަސާތަކުގެ އިސްވެރިންވަނީ ބައިވެރިވެވަޑައިގަންނަވާފައެވެ.
?Official inauguration of F. Dharanboodhoo Police Post was honored by Minister of Home Affairs @ShimranAb
— Maldives Police (@PoliceMv) December 10, 2022
Deputy Commissioner of Police Abdul Mannan Yoosuf, Deputy Commissioner of Police Ali Rasheed and dignitaries from MPS & other government institutions took part in the event pic.twitter.com/ey3oxa1yfO
މިއީ ކުރިއެރުމެއް ކަމަށް ވިދާޅުވެ ހޯމް މިނިސްޓަރ ޢިމްރާން ކުރެއްވި ޓުވީޓެއްގައި ވިދާޅުވީ ދަރަނބޫދޫއަކީ މިހާރުވެސް ކުށް މަދު ރަށެއްކަމަށެވެ. އަދި އަލަށް ޤާއިމުކުރެވުނު ޕޮލިސް ޕޯސްޓާއެކު އެރަށަކީ މިހާރަށްވުރެވެސް ކުށްމަދު އަމާން ސުލްޙަވެރި އަދި އުފާފާގަތި ރަށަކަށްވެގެންދާނެ ކަމަށް މަގުފަހިވެގެންދާނެ ކަމަށް ވިދާޅުވިއެވެ. ފުލުހުން ވިދާޅުވީ މިދެރަށުގައި ޤާއިމުވެގެންދިޔަ ޕޮލިސް ޕޯސްޓްތަކުގެ ސަބަބުން އާއްމުންނާއި ގާތުން ޚިދުމަތް ދިނުމަށް ފުރުސަތު ފަހިވެގެން ގޮސްފައިވާކަމަށެވެ.
ރަށްރަށުގައި ކުށްކުރުން މަދުކޮށް އަމާން މުޖުތަމަޢެއް ބިނާކުރުމަށް ކުރަމުންދާ މަސައްކަތް އިތުރަށް ފުޅާކުރުމަށް ފުލުހުންގެ ޚިދުމަތް ނެތް ރަށްރަށުގައި ޚިދުމަތް ދޭން ފެށުމަށް ޕޮލިސް ސްޓޭޝަން ޤާއިމުކުރުމުގެ މަސައްކަތުގެ އިތުރު މަޝްރޫޢެއް މިއަހަރުވަނީ ފަށާފައެވެ. 48 މިލިއަން ޑޮލަރުގެ މިމަޝްރޫޢުގެ ދަށުން 61 ރަށެއްގައި ޕޮލިސް ސްޓޭޝަން ތަރައްޤީކުރުމުގެ މަސައްކަތް އަންނަނީ ކުރަމުންނެވެ.