ނޮޅިވަރަމް- ފޮޓޯ: ގޫގްލް އަރތް
ހދ.ނޮޅިވަރަމުގައި މަރުވެފައި އޮތް މީހަކު ފެނިއްޖެއެވެ.
ފުލުހުން ވިދާޅުވީ، ނޮޅިވަރަމުގައި މީހަކު މަރާލައިގެން އުޅޭކަމަށް ބުނެ މިއަދު މެންދުރު 12:30 ހާއިރު ފުލުހުންނަށް ރިޕޯޓްކޮށްފައިވާކަމަށެވެ. މި މަޢުލޫމާތު ލިބުމާއެކު ފުލުހުން ސީންއަށް ގޮސް، ހޭނެތިފައިވާ މީހަކު ފުލުހުންގެ އެހީތެރިކަމާއެކު އެރަށު ސިއްޙީ މަރުކަޒަށް ގެންގޮސްފައިވާަކަމަށް ފުލުހުން ވިދާޅުވިއެވެ.
އެމީހާ އެރަށު ސިއްޙީ މަރުކަޒަށް ގެންދިޔައިރުވެސް ނިޔާވެފައިވާކަމަށް ޑޮކްޓަރުންނާއި ހަވާލާދެއްވާ ފުލުހުން ވިދާޅުވިއެވެ. މަރުވެފައި އޮއްވާ ފެނުނީ ޢުމުރުން 28 އަހަރުގެ ދިވެހި އަންހެނެއްކަމަށްވެސް ފުލުހުން ވިދާޅުވިއެވެ.
މިކަމާއި ގުޅޭ އިތުރު ތަފްސީލް ފުލުހުން ހާމަކޮށްފައެއް ނުވެއެވެ. ފުލުހުން ވިދާލުވީ މި މައްސަލަ ތަހްގީގްކުރަމުން އަންނަކަމަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ