ރޭ މާލޭގެ ގެއެއްގައި ހިނގި އަލިފާނުގެ ހާދިސާއާއި ގުޅިގެން، އެގޭގައި ދިރިއުޅުނު މީހުންނަށް ވަގުތީ ބޯހިޔާވަހިކަން ފޯރުކޮށްދީފިއެވެ.
ރޭ ފަތިހު އަލިފާނުގެ ހާދިސާ ހިނގާފައިވަނީ، ހ. ހިރިޔާ 1 ގޭގެ 3އޭ އެޕާޓްމަންޓުގައެވެ. މި ހާދިސާގައި އެއްވެސް މީހަކަށް ގެއްލުމެއް ލިބިފައި ނުވާކަމަށް އެމްއެންޑީއެފުން ވިދާޅުވެފައިވެއެވެ. ނަމަވެސް މި ހާދިސާގައި އެ އެޕާޓްމަންޓަށް ވަނީ ވަރަށް ބޮޑެތި ގެއްލުންތަކެއްވެ މީހުން ދިރިނޫޅެވޭވަރަށް އަނދާފައެވެ.
މި ހާދިސާއާއި ގުޅޭގޮތުން ނޭޝަނަލް ޑިޒާސްތަރ މެނޭޖުމަންޓް އޮތޯރިޓީ (އެންޑީއެމްއޭ) އިން ވިދާޅުވީ، ހިރިޔާގޭގައި ހިނގި އަލިފާނުގެ ހާދިސާގައި އެ އެޕާޓްމަންޓަށް ލިބުނު ގެއްލުންތަކާއި ގުޅިގެން އެ އެތަނުގައި ދިރިއުޅުނު ފަރާތްތަކަށް ވަގުތީ ބޯހިޔާވަހިކަމާއި، ކެއުންބުއިމުގެ އެހީތެރިކަން މިހާރު ހަމަޖައްސައިދީފައިވާކަމަށެވެ.
ހ. ހިރިޔާ 1 ގޭގެ 3އޭގައި ހިނގި އަލިފާނުގެ ހާދިސާގައި އެ އެޕާޓްމަންޓަށް ލިބުނު ގެއްލުންތަކާއި ގުޅިގެން އެ އެތަނުގައި ދިރިއުޅުނު ފަރާތްތަކަށް ވަގުތީ ބޯހިޔާވަހިކަމާއި ކެއުންބުއިމުގެ އެހީތެރިކަން މިހާރުވަނީ ހަމަޖައްސައިދެވިފައި. pic.twitter.com/Z8X6qCA0rm
— NDMA Maldives (@NDMAmv) December 8, 2022
ހިރިޔާ ގޭގައި ރޯވި އަލިފާންގަނޑު ނިއްވާލާފައިވަނީ ރޭ 04:23 ހާއިރުއެވެ. މި ހާދިސާގައި އަލިފާން ރޯވި ޢިމާރާތައް ލިބިފައިވާ ގެއްލުމުގެ ތަފްސީލުތަކެއް އަދި ސާފެއް ނުވެއެވެ.