މިނިސްޓަރ އޮފް ޓްރާންސްޕޯޓް އެންޑް ސިވިލްއޭވިއޭޝަނުގެ ނައިބު ޝިމާޛު ޢަލީ
ޓްރާންސްޕޯޓް މިނިސްޓްރީގެ ޑެޕިއުޓީ މިނިސްޓަރ ޝިމާޛު ޢަލީއަށް ހަމަލާދިން މައްސަލާގައި މީހަކު ހައްޔަރުކޮށްފިއެވެ.
ޑެޕިއުޓީ މިނިސްޓަރ ޝިމާޛަށް މަގުމަތިން ބަޔަކު ޙަމަލާދީފައިވަނީ މިމަހުގެ 18 ވަނަ ދުވަހުއެވެ. އަދި ހަމަ އެރޭ ވަނީ އެ މައްސަލަ ފުލުހަށް ހުށައަޅާފައެވެ.
ފުލުހުން ވިދާޅުވީ ޝިމާޛަށް ހަމަލާދިން މައްސަލާގައި 21 އަހަރުގެ ދިވެހި ފިރިހެނަކު ހައްޔަރުކޮށްފައިވާކަމަށެވެ. އޭނާ ހައްޔަރުކޮށްފައިވަނީ މިމަހުގެ 22 ވަނަ ދުވަހުކަމަށްވެސް ފުލުހުން ވިދާޅުވިއެވެ. ހައްޔަރުކުރި މީހާގެ ބަންދަށް ވަނީ 10 ދުވަސް ޖަހާފައެވެ.
ޝިމާޒަށް ހަމަލާދިނުމުގެ ކުރިން، އޭނާގެ ސައިކަލަށްވެސް ބަޔަކު ގެއްލުންދީފައިވާކަމަށް ވިދާޅުވެފައިވެއެވެ. ޝިމާޛަށް ހަމަލާދީފައިވަނީ ކީއްވެކަމެއް ފުލުހުން ވިދާޅެއް ނުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ