ރާއްޖޭގައި ފުރަތަމަ ބޭއްވި ބާ އިމްތިހާން މާލެ އާއި އައްޑޫގައި މިއަދު ބާއްވައިފިއެވެ.
ބާ ކައުންސިލުން ބުނީ މިއަދު ބޭއްވި އިމްތިހާނުގެ ހެނދުނާއި މެންދުރު ފަހުގެ ސެޝަންތަކަށް 176 މީހަކު ހާޒިރުވިކަމަށާއި، މިއީ އިމްތިހާނަށް ރަޖިސްޓްރީވި ކެންޑިޑޭޓުންގެ 98.3 ޕަސެންޓްކަމަށެވެ.
މި އިމްތިހާނުގައި އަހަރުގެ ސިލަބަހުގައި ހިމެނޭ ދާއިރާތަކުން ދިވެހި ބަހާއި އިނގިރޭސި ބަހުން 120 ސުވާލެއް ހިމަނާފައިވާކަމަށް ބާ ކައުންސިލުން ބުނެއެވެ.
Administering the Bar Exam, which is the minimum benchmark for admission to practice, is a milestone for the BCM & will redefine the legal profession.
— Bar Council of the Maldives (@MvBarCouncil) November 19, 2022
Congratulations to all candidates who sat the BE2022, becoming the first-ever law graduates to sit the Bar Exam in the Maldives! pic.twitter.com/vTkL4po23O
ގާނޫނީ ފަންނުގެ ގާނޫނުގެ ދަށުން، ގާނޫނީ ވަކީލްކަމުގެ ހުއްދަ ހޯދުމަށް ހަދަންޖެހޭ ބާ އެގްޒާމަކީ ގާނޫނުތަކަށް އަހުލުވެރިވެފައިވާ މިންވަރު ފަދަ އަސާސީ ބައެއް ހުނަރުތައް ދެނެގަތުމަށް އަހަރަކު އެއް ފަހަރު ބާއްވަން ނިންމާފައިވާ އިމްތިހާނެކެވެ.
ބާ އިމްތިހާނަކީ ގާނޫނީ ވަކީލް ކަމުގެ ހުއްދަ ހޯދުމުގެ ގޮތުން ފުރިހަމަކުރަންޖެހޭ އެންމެ އަސާސީ ދެ ކަންތަކުގެ ތެރެއިން އެއް މަސައްކަތަށްވާއިރު، ބާ އިމްތިހާނުގެ އިތުރުން އަދި ތަމްރީން ޕްރޮގްރާމެއްވެސް ފުރިހަމަކުރަން ޖެހޭނެއެވެ.