އަންނަ އަހަރު ދައުލަތުގެ ޚަރަދުތައް ކުޑަކުރުމަށް އަޅާ ފިޔަވަޅުތަކުގެ ނަތީޖާ ރަނގަޅުވާނެކަމަށް މަރުކަޒީ ބޭންކް، އެމްއެމްއޭއިން ވިދާޅުވެއްޖެއެވެ. އެމްއެމްއޭއިން މިގޮތަށް ވިދާޅުވީ، ރައްޔިތުންގެ މަޖިލީހުގެ ބަޖެޓު ދިރާސާކުރާ ކޮމިޓީގައެވެ. އަންނަ އަހަރު އިޤްތިޞާދީ މަންފާ ބޮޑަށް ކުރާނެފަދަ މަޝްރޫޢުތަކަށް އިސްކަން ދިނުމަށްވެސް މި ކޮމިޓީގައި އެމްއެމްއޭއިން ވަނީ ލަފާދެއްވާފައެވެ.
އަންނަ އަހަރަށް ލަފާކޮށް ސަރުކާރުން ރައްޔިތުންގެ މަޖިލީހަށް ހުށައަޅާފައިވަނީ 42.6 ބިލިޔަން ރުފިޔާގެ ބަޖެޓެކެވެ.
ރައްޔިތުންގެ މަޖިލީހަށްރައްޔިތުންގެ މަޖިލީހުގެ ބަޖެޓް ދިރާސާކުރާ ކޮމެޓީގައި ވާހަކަދައްކަވަމުން އެމްއެމްއޭގެ ސީނިއަރ ރިސާޗް އެނަލިސްޓް މުޙައްމަދު އިމްތިނާން ސައުދުއްﷲ ވަނީ އާމްދަނީ އިތުރުކުރެވޭ ސިޔާސަތުތަކަށްވުރެ ބޮޑަށް ހަރަދުކުޑަކުރުމުގެ ސިޔާސަތައް އިސްކަން ދިނުމަށް އެމްއެމްއޭއިން ދައުލަތައް ލަފާ އަރުވާކަމަށެވެ. އަންނަ އަހަރު ދައުލަތުގެ ޚަރަދު ކުޑަކުރުމަށް ބަޖެޓްގައި ގިނަ ކަންކަން ހިމެނިފައިވާތީ ވީހާވެސް އަވަހަކަށް އެކަންކަން ތަންފީޒުކުރެވޭނެ ފަދަ ގޮތަކަށް ދައުލަތުގެ ބަޖެޓް ރޭވިގެން ދިއުމަށް ލަފާއަރުވާކަމަށް މަޖިލީހުގައި އޭނާ ވަނީ ވިދާޅުވެފައެވެ.
"ތަރައްޤީގެ ބޮޑެތި މަޝްރޫއުތަކަކީ ވަރަށް ބޮޑަށް އިމްޕޯޓަށް ބަރޯސާވެގެން ކުރިއަށްގެންދެވޭ މަޝްރޫއުތަކަކަށްވާތީވެ މިވަގުތު އިޤްތިސާދުގައި ބޭރުފައިސާގެ ދަތިކަން ހުރުމާއިއެކު ބޭރުފައިސާ މި ޕްރޮޖެކްޓްތަކަށް ހަމަޖެހުމުން މި ޕްރޮޖެކްޓްތައް ކުރިއަށްގެންދިއުމަށްވެސް މި އޮތޯރިޓީގެ ލަފާގައިވާނީ އަރުވާފައި." މުޙައްމަދު އިމްތިނާން ވިދާޅުވިއެވެ.
އަންނަ އަހަރު ދައުލަތުގެ އާމްދަނީ އިތުރުކުރުމަށް މައިގަނޑު ގޮތެއްގައި ހިމަނާފައިވަނީ ޖީޖީއެސްޓީ %6 އިން %8 އިތުރުކުރުމާއި، ޓީޖީއެސްޓީގެ ރޭޓު %12 އިން %16 އަށް އިތުރުކުރުމެވެ. މި 2 ޓެކްސްއަކީ ޖީއެސްޓީގެ ތެރެއިން މިވަގުތު ތަންފީޒު ކުރެވެމުންދާ ކަންކަމަށްވާތީވެ. އަންނަ އަހަރު އަންދާޒާކުރާ މިންވަރަށް ދައުލަތައް މި ދާއިރާއިން އާމްދަނީ ލިބޭނެކަމަށް އެމްއެމްއޭއިން ވަނީ ލަފާކޮށްފައެވެ.
އާމްދަނީގައި ދެން ހިމެނެނީ ހިލޭ އެހީގައި ގޮތުގައި ލަފާކުރެވެނީ 2.5 ބިލިއަން ރުފިޔާއެވެ. 28.6 ބިލިއަން ރިކަރަންޓްތަށް ހޭދަވާނެކަމަށް ބަޖެޓްގައި ވަނީ އަންދާޒާކޮށްފައެވެ.