ބާޖެއް ބަންޑުންޖަހާލާ އިއްޔެ ގެއްލުނު މީހާ ހޯދުމުގެ މަސައްކަތް ވައިގެ މަގުންވެސް ކުރަމުންދާކަމަށް އެމްއެންޑީއެފުން ވިދާޅުވެއްޖެއެވެ.
މި ހާދިސާގެ މަޢުލޫމާތު އެމްއެންޑީއެފް ކޯސްޓްގާޑު މެރިޓައިމް ރެސްކިޔު ކޯޑިނޭޝަން ސެންޓަރަށް ލިބިފައިވަނީ އިއްޔެ މެންދުރު 12:50 ހާއިރުއެވެ.
އެމްއެންޑީއެފުން ވިދާޅުވީ، ގދ. ފަރެސްމާތޮޑާއިން ފުރައިގެން 14 ނޯޓިކަލް މޭލު ބޭރުން ދަތުރުކުރަމުންދަނިކޮށް، ބަންޑުންޖަހާލީ "ލިއޯ ސަކްސަސް"ނަމަކަށް ކިޔާ ލޭންޑިންގ ކްރާފްޓެއްކަމަށެވެ.
މިލޭންޑިން ކްރާފްޓުން ދަތުރުކުރީ 2 ދިވެހިންނާއި 2 ބިދޭސީންނެވެ. ދިޔަވެ ބަންޑުން ޖަހާލި ލޭންޑިންގ ކްރާފްޓުގައި ތިބި ފަޅުވެރިންގެ ތެރެއިން 3 މީހުން ފުރަތަމަ ނަގާފައިވަނީ އެ ސަރަހައްދުން ދަތުރުކުރަމުންދިޔަ "ސީ ވީޑް" ނަމަކަށް ކިޔާ ދޯންޏަކަށެވެ. އޭގެތެރެއިން ގެއްލިގެން ހޯދަމުން ދަނީ ބިދޭސީއެކެވެ.
އެ މީހާ ހޯދުމުގެ މަސައްކަތް ކަނޑުގެމަގުންނާ ވައިގެ މަގުން ދަނީ ކުރިއަށްގެންދަމުންނެވެ.