ހުޅުމާލެގައި އަލަށް އިމާރާތް ކުރި ޕޮލިސް ސްޓޭޝަން -- ފޮޓޯ: ޕީއެސްއެމް
މަސްތުވާތަކެތި ބޭނުންކޮށް ގެންގުޅުމުގެ ތުޙުމަތުގައި މާލޭ ސަރަޙައްދުން ރޭ 12 މީހަކު ފުލުހުން ހައްޔަރުކޮށްފިއެވެ.
މި އޮޕަރޭޝަނަކީ މަސްތުވާތަކެއްޗާ ދެކޮޅަށް ފުލުހުން، އާއްމު އުސޫލުން ކުރަމުން އަންނަ މަސައްކަތުގެ ދަށުން ހިންގި އޮޕަރޭޝަނެއްކަމަށް ފުލުހުން ވިދާޅުވެއެވެ.
މި އޮޕަރޭޝަންގައި މާލެ އަދި ހުޅުމާލެއިން މީހުން ވަނީ ހައްޔަރުކޮށްފައެވެ. ފުލުހުންގެ ބެލުމުގެ ދަށަށް ގެންދިޔަ މީހުންގެ ތެރޭގައި ހިމެނެނީ 4 އަންހެނުންނާ 8 ފިރިހެނުންނެވެ. މަސްތުވާތަކެތި ބޭނުންކުރުމާއި، މަސްތުވާތަކެތި ގެންގުޅުމުގެ ތުޙުމަތު މި މީހުންގެ މައްޗަށް ފުލުހުން ކުރެއެވެ.
މި މައްސަލަ ފުލުހުން އަންނަނީ އިތުރަށް ތަހުޤީޤުކުރަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ