ފުލުހުންގެ ބެލުމުގެ ދަށުގައި ހުއްޓާ މިއަދު ނިޔާވި މީހާގެ މަރުގައި އިހުމާލެއް އޮތްތޯ ބަލަމުންދާކަމަށް މިނިސްޓަރ އޮފް ހޯމް އެފެއާޒް ޢިމްރާން ޢަބްދުﷲ ވިދާޅުވެއްޖެއެވެ.
ހޯމް މިނިސްޓަރ ވިދާޅުވީ މިމައްސަލަ ފުލުހުންނާއި ކަމާއި ގުޅޭ އެހެން އިދާރާތަކަށް ހުށައަޅާއިގެން ޕްރޮފެޝަނަލް މިންގަނޑުން ތަޙުގީގުކުރަމުންދާކަމަށެވެ. އަދި މިމައްސަލައިގައި ފުލުހުން އިހުމާލުވެފައިވާކަން ނުވަތަ އަނިޔާވެރި ޢަމަލެއް ހިންގާފައިވާކަން ސާބިތުވެއްޖެނަމަ ފިޔަވަޅު އަޅާނެކަމަށްވެސް މިނިސްޓަރ ވަނީ ވިދާޅުވެފައެވެ.
Kushuge thuhumathugai @PoliceMv ge belumugedhashugai huttaa meehaku niyaavefai vaathee ekan professional standards in Mihaaru vanee balan fashaafa. Adhi raajjeyge kamaa gulhunhuri ehen muassasaathakunves emassla khaassa samaalukameh dhevvaigen avahah bellevumah dhannavaafin.
— Imran Abdulla (@ShimranAb) October 25, 2022
ފުލުހުންގެ ބެލުމުގެ ދަށުގައި ހުއްޓާ މިއަދު މީހަކު ނިޔާވެފައިވާއިރު ފުލުހުން ވިދާޅުވީ ނިޔާވި މީހާގެ ކިބައިން ސީޒަރގެ ޢަލާމާތްތަކެއް ފެނި އޭނާގެ މެއަށް ތަދެއް އަރައިގެން ގދ.މަޑަވެލި ސިއްޙީ މަރުކަޒަށް ގެންދިޔަކަމަށެވެ. އެހެންނަމަވެސް އޭނާ ސިއްޙީ މަރުކަޒަށް ގެންދިޔައިރުވެސް ނިޔާވެފައިވާކަމަށް ޑޮކްޓަރުންނާއި ޙަވާލާދެއްވާ ފުލުހުން ވަނީ ވިދާޅުވެފައެވެ.