އެލިއާ އިންވެސްމެންޓްސް އަދި ޔަމަހާ ޖަޕާންގެ ޓެކްނިކަލް އެކަޑަމީ ގުޅިގެން ކުރިއަށް ގެންދިޔަ ޔަމަހާ ޓެކްނިކަލް ޓްރެއިނިން ޕްރޮގްރާމް ނިމި ބައިވެރިންނަށް ސެޓްފިކެޓް ދީފިއެވެ.
އެ ޓްރެއިނިން ޕްރޮގްރާމުގެ ބައިވެރިންނަށް ސެޓްފިކެޓް ހަވާލުކޮށްދެއްވީ އެލިއާގެ މެނޭޖިން ޑިރެކްޓަރު އަލާއު އަލީ އެވެ. 2 ހަފްތާގެ މުއްދަތަށް ކުރިއަށް ގެންދިޔަ މިޓްރެއިނިން ޕްރޮގްރާމްގައި ބައިވެރިވެފައިވަނީ ރާއްޖޭގެ އެކި ކުންފުނިތަކާއި ވުޒާރާތަކުގައި މަސައްކަތްކުރާ މި ދާއިރާގައި ހަރަކާތްތެރިވާ ދިވެހިންނެވެ.
ޓްރޭނިންގެ ބައިވެރިންނަށް ސެޓްފިކެޓް ދިނުމަށް ބޭއްވި ހަފްލާގައި ވާހަަކަދައްކަވަމުން އެލިއާގެ މެނޭޖިން ޑިރެކްޓަރު އަލާއު އަލީ ވަނީ މިފަދަ ޕްރޮގްރާމްތަކުގެ މުހިންމު ކަމުގެ މައްޗަށް ވާހަކަދައްކަވާފައެވެ. އަދި ކުރިމަގުގައި މިފަދަ އިތުރު ޕްރޮގްރާމްތައް ހިންގާނެ ކަމަށްވެސް އަލާއު ވިދާޅުވިއެވެ.
" ވިޔަފާރިކުރުމުގައި އެލިއާއިން މަސައްކަތްކުރަނީ ހަމައެކަނި ވިޔަފާރިކުރުމުގެ ބަދަލުގައި، މި ދާއިރާއިން ޚިދުމަތްތައް ދިނުމަށްވެސް އިސްކަން ދެން، އަދި ކަންތައްތަކަށް ހައްލު ހޯދުމަށްވެސް މަސައްކަތްކުރަން،" އަލާއު ވިދާޅުވިއެވެ.
މި ޓްރެއިނިން ޕްރޮގްރާމުގައި ޔަމަހާ އައުޓުބޯޓު އިންޖީނު އެންމެ ބޭސިކްއިން ފެށިގެން، ފުލް ސަރވިސް ކުރުމުގައި ބަލަން ޖެހޭ ކަންތައްތަކާއި، މަސައްކަތުގެ ތަޖުރިބާ ގެންދަންވީ ގޮތްވެސް ވަނީ ކިޔާދީފައެވެ.
ޓްރެއިނިން ޕްރޮގްރާމްގެ ސެޝަންތައް ނަގައިދީފައި ވަނީ އެލިއާގެ ސިނިއާ މެކޭނިކުންގެ މަގާމުގައި ތިބި ޔަމަހާ ޓެކްނިކަލް އެކަޑަމީގެ ސެޓިފައިޑް ޓްރެއިނަރުންނެވެ.