މިއަދު ކުރިއަށްގެންދިޔަ 4 ބައި އިލެކްޝަނެއް ވެރިކަން ކުރާ މައި ޕާޓީ އެމްޑީޕީއާއި، އިދިކޮޅު ޕީޕީއެމުން ކާމިޔާބުކޮށްފިއެވެ.
ބައި-އިލެކްޝަން ކުރިއަށްގެންދިޔައީ، ށ.މާއުނގޫދޫ ކައުންސިލް މެންބަރު އިންތިޚާބު ކުރުމަށާއި، ރ.ރަސްމާދޫ، ތ.ގުރައިދޫ، އަދި ލ.ދަނބިދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީއަށް މެންބަރުން އިންތިޚާބުކުރުމަށެވެ.
މި ބައި-އިލެކްޝަންތަކުގެ ތެރެއިން ރ. ރަސްމާދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ގޮނޑި ކާމިޔާބުކުރީ ޕީޕީއެމްގެ ކެނޑިޑޭޓް ޞާބިރާ މުޙައްމަދެވެ. އަދި ތ.ގުރައިދޫގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ގޮނޑިވެސް ކާމިޔާބުކޮށްފައިވަނީ ޕީޕީއެމުން ވާދަކުރި ޝަރުމާ އަލިމަނިކެވެ.
މީގެ އިތުރުން ށ.މާއުނގޫދޫ ކައުންސިލް ބައި އިލެކްޝަންގެ ގޮނޑި އެމްޑީޕީގެ ކެންޑިޑޭޓް ފާޠިމަތު ޝިމާނާ ކާމިޔާބު ކުރިއިރު، ލ.ދަނބިދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި އިލެކްޝަންގެ ގޮނޑި ކާމިޔާބު ކޮށްފައިވަނީ އެމްޑީޕީގެ ކެންޑިޑޭޓް އައިޝަތު ޒިޔާދާއެވެ.
މިއިންތިޚާބުތަކުގެ ނަތީޖާ އަދި އިލެކްޝަންސް ކޮމިޝަނުން އިއުލާން ކޮށްފައެއް ނުވެއެވެ.