ސެމްސަންގް ފަތްޖަހާލެވޭ ފޯނު ދިރާގުން މިހާރު ލިބޭނެ

ސެމްސަންގް ގެލެކްސީ ޒީ ފޯލްޑް 4 އަދި ސެމްސަންގް ގެލެކްސީ ޒީ ފްލިޕް 4 ދިރާގު ވެބްސައިޓުން ގަންނަން ލިބޭގޮތް ހަދައިފިއެވެ.

ރީތި ކުލަތަކާއެކު ފަތް ޖަހާލެވޭގޮތަށް ފަރުމާކުރެވިފައިވާ މި ދެ ފޯނުވެސް މިހާރު ދިރާގު ކަސްޓަމަރުންނަށް ވަގުތުން ފުލް ޕޭމަންޓާއެކު ނުވަތަ 12 މަހުގެ އިންސްޓޯލްމެންޓެއްގެ ދަށުންވެސް ގަނެވޭނެކަމަށް ދިރާގުން ހާމަކުރެއެވެ.

ދިރާގުން ބުނީ ޒީ ފޯލްޑް 4 އަދި ޒީ ފްލިޕް 4 ގަންނަ ކަސްޓަމަރުންނަށް 6 މަސް ދުވަހަށް މަހަކު 5ޖީބީގެ ހިލޭ ބޯނަސް ޑޭޓާވެސް ލިބޭނެ ކަމަށެވެ. މީގެ އިތުރުން ޒީ ފޯލްޑް4 ފުލް ޕޭމަންޓްގައި ގަންނަ ކަސްޓަމަރުންނަށް 3000 ރުފިޔާގެ ޑިސްކައުންޓެއް ވެސް ދިނުމަށް ވަނީ ހަމަޖެހިފައެވެ. އަދި ގެލެކްސީ ޒީ ފޯލްޑް4 އަދި ޒީ ފްލިޕް4 ގަންނަ ފަރާތްތަކަށް، 3 މަސްދުވަހުގެ ހިލޭ ސްޕޮޓިފައި އަދި ވަން ޑްރައިވެގެ 100 ޖީބީ 6 މަސްދުވަހަށް ބޭނުންކުރެވޭ ސެމްސަންގް ޕްރޮމޯޝަންގައިވެސް ބައިވެރިވެވޭނެއެވެ.

ދިރާގުން ބުނީ އެކުންފުނިން އަބަދުވެސް މަސައްކަތްކުރަނީ، އެންމެ ފަހުގެ ސްމާޓް ފޯން ޑިވައިސްތައް ކަސްޓަމަރުންނާއި ހަމައަށް ގެނެސްދީ، މިހާރަށްވުރެ ރަނގަޅު އަދި ފަސޭހަ ގޮތަކަށް ޓެކްނޮލޮޖީ މެދުވެރިކޮށް ކަސްޓަމަރުން ގުޅުވާލަދިނުމަށް ކަމަށެވެ.