ކުރިއަށް އޮތް 48 ގަޑިއިރުވެސް ރާއްޖޭގެ ބޮޑު ބަޔަކަށް މޫސުމް ގޯސްވާނެކަމަށް މޫސުމާބެހޭ ޤައުމީ އިދާރާއިން ލަފާކުރައްވައިފިއެވެ.
އެ އިދާރާއިން ވިދާޅުވީ ގުގުރުމާއެކު ބޯކޮށް ވާރޭވެހި ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައިޖެހޭނެ ކަމަށް ލަފާކުރެވޭ ކަމަށާއި އަދި ވިލާގަނޑުގައި ގަޑިއަކު 45 މޭލަށް ވައި ގަދަވެ ކަނޑުތައް ގަދަވާނެ ކަމަށްވެސް ލަފާ ކުރެވޭ ކަމަށެވެ.
Alert White for heavy rain and thunderstorms, strong winds of 19 – 24 mph with gusts of 45 mph, and rough seas. pic.twitter.com/IK9IeHcxyp
— Maldives Meteorology (@MetMaldives) September 4, 2022
މީގެ އިތުރުން މޫސުމާބެހޭ ޤައުމީ އިދާރާއިން ވަނީ މޫސުމް ގޯސްވުމުގެ ސަބަބުން މުޅިރާއްޖެއަށް ހުދު ސަމާލުވެސް ނެރެފައެވެ. މިގޮތުން ހުދު ސަމާލު ނެރެފައިވަނީ މިއަދުގެ ހެނދުނު 8:15އިން ފެށިގެން މެންދުރު 14:00އާ ހަމައަށެވެ.
ރާއްޖޭގެ ހުރިހާ ހިސާބަކަށް ވައިގަދަވެ ކަނޑުތައް ގަދަވާނެތީ އާންމުކޮށް ހުރިހާ ފަރާތްތަކުންވެސް ވަކިން ޚާއްސަކޮށް ކަނޑުދަތުރުކުރާ ފަރާތްތަކުން މޫސުމަށް ސަމާލުވުމަށް މޫސުމާބެހޭ ޤައުމީ އިދާރާއިން ވަނީ އިލްތިމާސްކޮށްފައެވެ.