ހއ.އިހަވަންދޫ ނަލަ އައްސޭރި ގޭގައި އަލިފާނުގެ ހާދިސާއެއް ހިނގާ އެގެ ބޭނުންނުކުރެވޭ ވަރަށް އަނދާފައިވާ ކަމަށް އެރަށު ކައުންސިލުން ހާމަކޮށްފިއެވެ.
އިހަވަންދޫ ކައންސިލްގެ ރައީސް އަހުމަދު ޞަބާހު ވިދާޅުވީ މިއަދު މެނދުރު 11.45 ހާއިރު ހިނގި އަލިފާނުގެ މިހާދިސާ ހިނގާފައިވަނީ އެގޭގައި ހަދާފައިވާ ތިން ކޮޓަރީގެ ތެރެއިން އެގެ މީހުން ގުދަނެއްގެ ގޮތުގައި ބޭނުން ކުރަމުން އަންނަ ކޮޓަރީގައި ކަމަށެވެ. މިކޮޓަރީގައި ހުރީ ލަނކުޑިފަދަ ތަކެތި ކަމަށްވެސް އޭނާ ވިދާޅުވިއެވެ.
މިގޭގައި ތިން ކޮޓަރި ހުންނައިރު މީގެ ތެރެއިން މީހުން ދިރިއުޅެނީ އެއްކޮޓަރީގައި ކަމަށާއި މިހާދިސާ ހިނގިއިރު އެކޮޓަރީގައި މީހުން ތިބި ނަމަވެސް އެއްވެސް މީހަކަށް ގެއްލުމެއް ލިބިފައި ނުވާ ކަމަށް ކައުންސިލްގެ ރައީސް ވިދާޅުވިއެވެ.
އިހަވަންދޫގައި ހަރަކާތްތެރިވާ ފުލުހުންނާއި ކައުންސިލާއި އަދި ރަށުގެ ރައްޔިތުންގެ މަސައްކަތުން މިގޭގައި ރޯވި އަލިފާން ކޮންޓްރޯލް ކުރެވުނީ މެންދުރު އެކެއް ޖެހިއިރުއެވެ.
މިހާދިސާ ހިނގަން މެދުވެރިވި ސަބަބު އަދި ސާފުނުވާ ކަމަށް ކައުންސިލްގެ ރައީސް ޞަބާހު ވިދާޅުވިއެވެ.
އިހަވަންދޫގައި ހަރަކާތްތެރިވާ ފުލުހުންނާއި ކައުންސިލާއި އަދި ރަށުގެ ރައްޔިތުންގެ މަސައްކަތުން މިގޭގައި ރޯވި އަލިފާން ކޮންޓްރޯލް ކުރެވުނީ މެންދުރު އެކެއް ޖެހިއިރުއެވެ.
މިހާދިސާ ހިނގަން މެދުވެރިވި ސަބަބު އަދި ސާފުނުވާ ކަމަށް ކައުންސިލްގެ ރައީސް ޞަބާހު ވިދާޅުވިއެވެ.