ބިދޭސީ އަންހެނެއްގެ ކަރުގައި އޮތް ފަށެއް، ފޭރިގަތް މައްސަލައިގައި މީހަކު ހައްޔަރުކޮށްފައިވާކަމަށް ފުލުހުން ވިދާޅުވެއްޖެއެވެ.
ހޯމަ ދުވަހުގެ މި ހާދިސާއާއި ގުޅިގެން ސޯޝަލް މީޑިއާގައި ދައުރުވި ވީޑިއޯއެއްގައި ފެންނަނީ، ސައިކަލެއްގައި ދިޔަ ދެ މީހުންގެ ތެރެއިން ސައިކަލު ފަހަތުގައި އިން ފިރިހެނަކު، މަގުމަތިން ހިންގާފައި ދިޔަ ބިދޭސީ އަންހެން މީހާގެ ކަރުގައި އޮތް ފަށުގައި ހިފާ ދަމައިގަންނަ މަންޒަރެވެ. މި ހާދިސާ ހިނގީ ހޯމަ ދުވަހު ހެނދުނު 09:40 ހާއިރުއެވެ.
މި މައްސަލައާއި ގުޅިގެން ކޮމިޝަނަރ އޮފް ޕޮލިސް މުޙައްމަދު ހަމީދު ކުރެއްވި ޓުވީޓެއްގައި ވިދާޅުވީ، ފޭރިގެންފައިވާ ރަން ފަށް، ރަން ހަދާ ތަނަކަށް ވިއްކާލާފައިވަނިކޮށް ފުލުހުން ގޮސް އެ ފަށް ހޯދާފައިވާކަމަށެވެ. މި މައްސަލަ ފުލުހުން ދަނީ އިތުރަށް ތަޙުޤީގުކުރަމުންނެވެ.
މިމައްސަލައާއި ގުޅިގެން އެކަކު ވަނީ ހައްޔަރުކުރެވިފައި. ފޭރިގެންފައިވާ ރަން ފަށް، ރަންހަދާ ތަނަކަށް ވިއްކާލާފައިވަނިކޮށް ފުލުހުންގޮސް ފަށް އަތުލެވިފައި! މައްސަލައިގެ ތަހުގީގު ދަނީ ކުރިއަށް! https://t.co/A82YUEgfuV
— Mohamed Hameed (@M_Hameedh) August 16, 2022
މަގުމަތީގައި ހިންގާ މިފަދަ ފޭރުމުގެ ޙާދިސާތައް މީގެކުރިންވެސް ހިނގާފައިވެއެވެ. އެގޮތުން ގަހަނާއާއި ފޯނު ޖަހައިގަތުން ފަދަ ކަންކަން ހިމެނެއެވެ.