އެއްޖިއްސުން ގުޅުން ހިންގިކަމަށް ތުހުމަތުކުރެވޭ މީހުން ކޯޓު އަމުރުގެދަށުން ހައްޔަރުކުރުކުރުމުގެ މަސައްކަތް ފުލުހުން ފަށައިފިއެވެ.
ފުލުހުން ވިދާޅުވީ މި ތަޙުޤީޤުގެތެރެއިން މިހާތަނަށް 2 މީހަކު ހައްޔަރުކޮށްފައިވާކަމަށެވެ. ހައްޔަރުކޮށްފައިވަނީ ޢުމުރުން 45 އަހަރުގެ ދިވެހި ފިރިހެނަކާއި 35 އަހަރުގެ ދިވެހި ފިރިހެނެއްކަމަށް ފުލުހުންވަނީ ވިދާޅުވެއްފައެވެ.
ފުލުހުން ފަށާފައިވާ އޮޕަރޭޝަނަކީ މިމައްސަލައިގައި ތުހުމަތުކުރެވޭ މީހުންގެ ތެރެއިން ތަހުގީގަށް އެކަށީގެންވާ ހެއްކާއި ގަރީނާ ހޯދިފައިވާ މީހުން، ކޯޓު އަމުރުގެ ދަށުން ހައްޔަރުކުރުމުގެ މަސައްކަތެވެ.
ފުލުހުން ބޮޑު ތަޙުޤީޤެއް ފަށާފައިވަނީ ބަންގްލަދޭޝްގެ ރައްޔިތެއްކަމުގައިވާ އެމްޑީ އަލަމްގީރާ އެކު ގިނަ އަދަދެއްގެ ބަޔަކު އެއްޖިންސުން ގުޅުންހިއްގި މައްސަލައެވެ. އެގޮތުން ޖިންސީ ގުޅުން ހިންގާ އެމަންޒަރުތަކުގެ ވީޑިއޯ ރެކޯޑްކޮށް އޭގެ ތެރެއިން ބައެއް ވީޑިއޯ ސޯޝަލް މީޑިޔާގައި ލީކްކޮށްފައިވާ މައްސަލައިގެ ތަޙުޤީޤް ފުލުހުން އަންނަނީ ހިންގަމުންނެވެ. މަޢުލޫމާތު ލިބޭގޮތުގައި މި މައްސަލައިގައި ގިނަ އަދަދެއްގެ ބަޔަކު ޝާމިލުވެއެވެ.
މި މައްސަލައިގައި ތުޙުމަތުކުރާ ބަންގްލަދޭޝްގެ އަލަމްގީރު ހައްޔަރުކޮށްފައިވަނީ ޖުލައި 12ވަނަ ދުވަހުއެވެ. މައްސަލައާއި ގުޅުންހުރި ގިނަ ވީޑިއޯތަކެއް ސޯޝަލް މީޑިއާގައި އާއްމުވެފައިވެއެވެ.