ފުލުހުންގެ މައި އިދާރާ--
ކުޑަކުއްޖަކަށް ޖިންސީ ގޯނާކޮށްގެން އިންޑިއާ މީހަކު ހައްޔަރުކޮށްފިއެވެ.
ފުލުހުން ވިދާޅުވީ މާލޭގައި 15 އަހަރުގެ ފިރިހެން ކުއްޖަކަށް ޖިންސީ ގޯނާކުރި މައްސަލައެއް މިމަހުގެ 11 ވަނަ ދުވަހު ފުލުހުންނަށް ހުށަހަޅާފައިވާކަމަށެވެ. އަދި މިމައްސަލައާ ގުޅިގެން މިމަހުގެ 12 ވަނަ ދުވަހު 52 އަހަރުގެ އިންޑިއާގެ ފިރިހެނަކު ހައްޔަރުކޮށްފައިވާކަމަށް ފުލުހުން ވިދާޅުވެއެވެ.
ފުލުހުން ވިދާޅުވީ ހައްޔަރުކުރި މިހާގެ ޝަރީއަތް ނިމެންދެން ބަންދުކުރުމަށް ކޯޓުން އަމުރުކޮށްފައިވާކަމަށެވެ. އަދި އެ މައްސަލަ ފުލުހުން ތަހުޤީޤްކުރަމުންދާކަމަށްވެސް ވިދާޅުވިއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ